Supersommar 2023!

Supersommar er eit tilbod om sommaraktivitetar for barn og unge i 1.-10. klasse i veke 26, 27 og 33. Aktivitetane er lagt til bygdene i Fjord kommune og er eit samarbeid med frivillige lag og organisasjonar, flyktningtenesta og lokalt næringsliv.

Tilbodet gjeld for barn og unge som bur i Fjord kommune.

Praktisk informasjon

Aktivitetane vil i utgangspunktet vare frå kl 09:30-14:45. Det vert sett opp skyss. Alle deltakarar må ta med eiga niste og drikke/drikkeflaske for heile dagen (med få unntak). Meir informasjon under kvar aktivitet på lenkene nedanfor.

Supersommar er gratis for deltakarane.

Påmelding

Påmelding via elektronisk skjema på heimesida til Fjord kommune. Påmeldinga blir opna måndag 12. juni ca. kl. 15:00.

• Nokre av aktivitetane vil ha begrensa antal plassar. Det vil bli sett opp venteliste om aktiviteten blir fullteikna.
• Du melder barnet på til aktivitet på det klassetrinnet eleven går på våren 2023.
• Merk at nokre aktivitetetar krev signering av eigenerklæring frå føresette.
• Påmelding vil vere open fram til 22. juni kl 23:59.

NB! Når påmeldinga di er registrert vil du få ein automatisk e-post med informasjon om dette. Det kan ta litt tid før e-posten kjem, men om du ikkje får ein slik e-post eller har problem med påmeldingsskjemaet så ta kontakt med oss på e-post/tlf.

Det er bindande påmelding – om barnet likevel vert hindra i å delta, er det viktig at de melder frå, slik at andre kan få tilbod om plass dersom det er venteliste. NB! Om barnet ikkje møter til aktiviteten og det ikkje er gitt beskjed om dette på førehand, vil føresette i etterkant bli fakturert med kr. 300.

Ved få påmeldte til enkelte aktivitetar kan det bli utvida påmeldingsfrist. Ved for få påmeldte kan aktiviteten bli avlyst.

Barn som skal starte i 1. klasse til hausten kan ikkje delta på Supersommar, med mindre dei har SFO-plass frå august og SFO skal delta på den aktuelle aktiviteten. (Då vil SFO sørge for påmelding).

Transport

Det blir gratis skyss mellom Stordal skule - Liabygda - Linge ferjekai – Valldal sentrum og til den staden aktiviteten skal vere. Sjå Supersommar bussrute på baksida av informasjonsskrivet.

Program og bussruter finn de på denne lenka (PDF, 549 kB)

Supersommar er drifta av Fjord kommune med støtte frå Gjensidigestiftelsen.