Søk tilskot til inkludering av barn og unge
Barn i leik. Illustrasjon.
ukjent
Jobbar organisasjonen eller verksemda di med å få barn og unge inkludert i samfunnet? Då kan de søka om tilskot frå Bufdir innan 18. november!
Målgruppa er barn og unge i alderen frå 0 til og med 24 år som av ulike orsakar står i fare for å hamne i utanforskap. Nokre aktivitetstypar kan ha ei meir avgrensa målgruppe. Dette kjem fram i forskrifta.
Målet med tilskotsordninga er å legge til rette for at alle barn og unge skal ha moglegheit til meistring og samfunnsdeltaking. Tilskotsordninga skal bidra til utvikling av opne møteplassar, deltaking på ferie- og fritidsaktivitetar og fullføring av utdanningsløp.
Barne-, ungdoms- og familiedirektoratet (Bufdir) deler ut midlane til denne ordninga. Kommunen vurderer søknadane og tilrår til Bufdir. Bufdir tar den endelege avgjerda om kven som skal få midlar.
Kven kan søkje
- Offentlege instansar
- Frivillige organisasjonar
- Private aktørar
Les meir om ordninga her.
Publisert 24.10.2022 14.30