Pressemelding

Bjørn Inge Ruset (56) er av kommunestyret 29.06.2023 tilsett som ny kommunedirektør i Fjord kommune. 

- Vi har hatt ein grundig prosess med bistand frå ekstern rådgjevar, politikarar, administrasjon og tillitsvalte. Vi er nøgde med å foreslå Bjørn Inge Ruset som ny kommunedirektør, seier ordførar Eva Hove. Ho har leia utvalet som fekk mynde til å  arbeide med rekruttering av ny kommunedirektør.  

Bjørn Inge Ruset har brei erfaring som leiar frå ulike stillingar i Forsvaret og har i tillegg arbeidd på strategisk nivå i Forsvarsstaben. Han har erfaring frå militære operasjonar i inn- og utland og har politisk erfaring som ordførar i tidlegare Norddal kommune og som fylkestingsrepresentant i Møre og Romsdal. Ruset har mellom anna hovudfag i statsvitskap frå Universitetet i Oslo, strategiutdanning frå Försvarshögskolan i Stockholm samt sjefskurset ved Forsvarets Høyskole. 

Bjørn Inge Ruset takkar for tilliten og seier at han er svært motivert til å kunne gå inn i denne viktige leiarstillinga. Han uttrykkjer at han har lyst til å ta del i den vidare utviklinga av kommunen. 

Utvalet har vore samansett av ordførar Eva Hove, varaordførar Viktor Valdal, formannskapsmedlem Per Magnus Berdal, John Helge Larsen frå Utdanningsforbundet og Sæmund Vattøy frå NITO. Personalsjef Marius A. Moe har delteke frå administrasjonen. Headvisor, ved Kirsti Kalseth Sjøhaug har vore rådgjevar i prosessen.   

Kontaktperson:  
Ordførar Eva Hove (tlf. 970 15 014).