Kven har røysterett?
- Norske statsborgarar som har fylt 18 år innan utgangen av 2023, som er eller har vore registrert i folkeregisteret som busett i Noreg.
- Statsborgarar i Danmark, Finland, Island eller Sverige som har fylt 18 år innan utgangen av 2023, og er registrert i folkeregisteret som busett i Noreg seinast 30. juni 2023.
- Personar som ikkje er norske statsborgarar, men som har fylt 18 år innan utgangen av 2023 og har vore registrert i folkeregisteret som busett i Noreg dei tre siste åra før valdagen.
Står du i manntalet?
For å kunne røyste ved kommunestyre- og fylkestingsvalet måndag den 11. september må du stå i manntalet. Du har rett til å bli innført i manntalet i den kommunen du er folkeregisterført som busett 30. juni 2023.
Om du har flytta før denne datoen, må folkeregisteret ha mottatt flyttemelding seinast 30. juni for at du kan bli innført i manntalet i den kommunen du flytter til.
Meir informasjon om manntal og røysterett finn du på denne nettsida som handlar om valet.
Offentleg ettersyn
Manntalet for Fjord kommune ligg ute til offentleg ettersyn frå midten av juli til og med valdagen på følgjande stadar:
- Servicetorget på rådhuset i Valldal
- Servicekontoret på kommunehuset i Stordal
- Coop Eidsdal
- Joker Stordal
Dersom du meiner å ha rett til å stå i manntalet, men ikkje står der, kan du sende inn skriftleg, grunngjeve krav om dette til Fjord valstyre, postboks 144, 6211 Valldal.
Du kan også kontrollere om du er innført i manntalet ved å ringe tlf. 418 67 800, eller kontakte oss på e-post: post@fjord.kommune.no
Førehandsrøysting
Du kan førehandsrøyste på servicetorget på rådhuset i Valldal og ved kommunehuset i Stordal alle kvardagar i perioden 10. august til og med 8. september 2023. Opningstida er kl. 10.00-15.00.
Det vert også førehandsrøysting desse stadane
Institusjonsval
Det vert institusjonsval ved Valldal sjukeheim og Stordalstunet måndag 4. september kl. 10:30-12:00.
Tidlegrøysting
Kan du ikkje røyste i førehandsrøysteperioden eller på valdagen?
Då kan du tidlegrøyste på rådhuset frå 3. juli. Ta i så fall kontakt med kommunen på førehand.