43 000 turar under årets Stikk UT! Festival!
Stikk UT! Festival 2023
Stikk UT!
12 000 turgåarar vart med på feiringa av Stikk UT! i friluftslivets veke. Til saman 43 000 turar vart registrert under den ti dager lange festivalen! Årets Stikk UT!-sesong er no oppe i 800 000 registreringar.
Friluftsråda, saman med kommunar og samarbeidspartnarar, arrangerte 10 fellesturar for familiar og bedrifter rundt omkring i heile fylket.
– Med vêrgudane stort sett på vår side, var det også i år ei fantastisk feiring av turgleda i fylket vårt, seier Hilde Ellingsæter som er Stikk UT!-ansvarleg hos Sunnmøre friluftsråd.
Minister på besøk
Klima- og miljøminister Espen barth Eide dukka også opp under lunsjpause-arrangementet på Skodjebruene og han var svært imponert over kva friluftsråda og Stikk UT! har fått til i fylket.
– Stikk UT! er viktig både for folkehelsa og for folk si bevisstheit på miljøet, sa han og ga ros også til sponsorane som bidreg med viktige pengar inn i det gode arbeidet som blir gjort med å tilrettelegge for turglede i regionen vår.
Årleg arrangement
Stikk UT! Festivalen er eit årleg arrangement i regi av Sunnmøre Friluftsråd og Friluftsrådet Nordmøre og Romsdal, i samarbeid med hovedsponsor Sparebanken Møre, Istad Kraft, Wattn, Granne og NEAS.
Pressemelding frå Sunnmøre friluftsråd
Publisert 19.09.2023 14.56