Planprosess og medverking - sei meininga di

Ein særs viktig del av planprosessen er å få innspel frå innbyggjarane, dette styrkjer lokaldemokratiet og syter for at alle viktige omsyn blir gjort greie for. Det er i hovudsak to fasar kor du kan kome med innspel til en reguleringsplan;

1. Ved varsel om oppstart av planarbeid
2. Når planar leggjast ut til offentleg ettersyn.

I tillegg har dei som er parter i ein reguleringsplanprosess rett til å klage på ein nyleg vedteken reguleringsplan.

Sei meininga di og sjå kva for planar som er under arbeid under Høyring og offentleg ettersyn.

To typar reguleringsplanar

Det er to typar reguleringsplanar; områderegulering og  detaljregulering.

Områdereguleringsplanar er det berre kommunen som kan setje i verk, men kommunen kan overlate til andre å utarbeide forslaget til planen. Ein områderegulering brukast når det er set krav til det i kommuneplanens arealdel eller når kommunen finn det naudsynt å gi meir detaljerte avklaringar av arealbruken i eit område.

Detaljreguleringsplanar tar ofte for seg mindre områder enn områdereguleringsplanar, og forslag til detaljregulering kan ogso fremmast av andre enn kommunen. Alle kan komme med forslag til detaljreguleringar, men sjølve planane er det fagkyndige som skal utarbeide.

Bildet er henta frå Regjeringen.no