a) Rådet skal ha 5 faste medlemar og varamedlemar. To medlemar skal vere politisk valde frå kommunestyret, og fem medlemar skal vere representantar for eldre. 

b) Fleirtalet av medlemane i eldrerådet skal på valtidspunktet ha fylt 60 år. Eldrerådet skal veljast av kommunestyret. Pensjonistforeiningane i kommunen har rett til å kome med forslag på medlemar og varamedlemar. 

c) Rådet vel sjølv leiar og nestleiar blant medlemane. 

d) Rådet si funksjonstid følgjer den kommunale valperioden

a) Rådet er eit lovpålagt organ og er omtala i kommunelova § 5-12 og Forskrift om kommunale og fylkeskommunale råd for eldre, personar med funksjonsnedsetting og ungdom (forskrift om medvirkningsordninger). 

b) Rådet skal arbeide etter prinsippet om full deltaking og likestilling av eldre i samfunnet. 

c) Rådet skal vere eit samarbeids- og rådgjevande organ for kommunen i alle saker som gjeld eldre sine behov og interesser. Rådet ligg utanfor den kommunale nemndstrukturen.

a) Rådet skal ha møte etter fast oppsett møteplan. 

b) Rådet kan gjere vedtak når minst to tredeler av medlemane er til stades. 

c) Rådet skal gis tilstrekkeleg sekretariatshjelp. Sekretær har ansvar for innkalling, møtebok og tilrettelegging av møterom

a) Rådet skal føre møtebok. Møteboka skal minimum innehalde opplysningar om: 

1. tid og stad for møtet 
2. kven som møtte 
3. kven som meldte forfall 
4. kven som møtte som vara 
5. dei sakene som blei behandla 
6. forslag som vart fremma og forslag som vart trekt 
7. kva avgjerder som blei gjort og røystetal 

b) Kjem nokon til, eller går nokon frå under møtet, skal dette førast inn slik at møteboka viser kven som har vore med i kvar sak. 

c) Alle forslag det er votert over, resultat av avrøystinga, og dei vedtaka som er gjort skal førast inn i protokollen. 

d) Ein representant som ynskjer protokolltilførsel etter at vedtaket er gjort, må fremje dette skriftleg. Utvalet kan ved særlege høve avvise ein protokolltilførsel med vanleg fleirtal.

e) Møteboka blir publisert på kommunen sine heimesider og godkjent på neste møte.

Rådet er eit rådgjevande organ for kommunen i alle saker som gjeld eldre sine behov og interesser, og skal behandle alle saker som gjeld dei. 

Det skal etablerast rutinar som sikrar at rådet mottar sakene på eit så tidleg tidspunkt i saksbehandlinga, at uttale frå rådet har mulegheit til å påverke utfallet av saka. Rådet kan også ta opp saker på eige initiativ. 

Sekretariatet skal halde rådet underretta om saker innan heile det kommunale feltet som gjeld eldre. Saker som er av interesse for rådet, skal sendast i tide til uttale før sakene går til behandling i politiske organ. 

Dei kommunale einingane samarbeider med rådet om saker dei har, eller skal ha til behandling, og som er av interesse for eldre. Rådet kan be saksbehandlar eller andre greie ut om saker som rådet føler behov for å få betre belyst og utdjupa. 

Rådet har møte- og talerett i kommunestyret.

Eldrerådet sine arbeidsoppgåver kan m.a. vere: 

a) Årsbudsjett og økonomiplan 
b) Kommuneplan 
c) Tiltak og planar i helse- og omsorgssektoren 
d) Idretts- og kulturtiltak 
e) Bustadutbygging og reguleringsplanar 
f) Saker om samferdsel og infrastruktur/kommunikasjon

Rådet utarbeider kvart år ei melding om sitt arbeid til kommunestyret innan 01.03.