Hildegun Riise og med-musikarane Benedicte Maurseth og Sigbjørn Apeland inviterer til ein poesikonsert med dikt av Jon Fosse, til nykomponert, improvisert og tradisjonell musikk på trøorgel og hardingfele. Utgangspunktet for konserten er albumet “Blått Svev” som kom ut på Grappa Musikkforlag i 2019 i samband med at Jon Fosse fylte 60 år. Det passar perfekt å leite fram igjen denne forestillinga etter at Fosse som vi alle veit, fekk Nobelprisen i litteratur i 2023. Kyrkjehola Kulturbeite er med andre ord hyperaktuell!