Det er fint å gå dit frå Døving eller Sylte. Det er også mogleg å parkere like ved, bruk merka p-plass litt nedanfor grindløa. 

Det er Sunnmøre friluftsråd som står bak naturmøteplassen, i samarbeid med frivilligsentralen og frivillige vertar.

Naturmøteplassen er fast annankvar tysdag kl 12-1330. 
Unntak: sommarferien og januar - februar.
Atterhald om godt ver i november-desember.

Stikk innom!

Naturmøteplassen er ein uformell lågterskel møtestad der alle er hjarteleg velkomen innom til kaffi og ein prat. Friluftsrådet har slike naturmøteplassar fleire stadar på Sunnmøre.

Stikk UT!-turen på Olavsvegen i Syltemoa skildrar turen til grindløa.

Her finn du naturmøteplassen:

Alternativ 1: Parkering bak Martin Linge-huset. Gå gjennom grind ovanfor skuleområdet og hald fram på sti på skrå og rett oppover til du kjem til Olavsstøtta på Korsbrekka (høgste punktet, bratt oppover). Hald fram på turvegen vidare framover ca 1 km. Flatt, litt nedoverbakke på slutten.

Alternativ 2: Parkering i sentrum. Skilta sti frå Skulebrauta. Startpunktet ligg knapt 200 meter rett ovanfor Sylte kyrkje (retning Syltemoa). Følg sti bratt oppover til du kjem til Olavsstøtta på Korsbrekka (høgste punktet, bratt oppover). Hald fram på turvegen vidare framover ca 1 km. Flatt, litt nedoverbakke på slutten.

Alternativ 3: Parkering like ved grindløa: Følg fv. 63 frå Valldal sentrum, retning Trollstigen. Etter ca 2,5 km; ta til høgre rett etter ein høgresving og følg ein grusveg opp ein liten bakke. Det er 300 m til grindløa. Vegen er ikkje skilta eller merka. Det er plass til å parkere nokre bilar på merka p-plass. Det er ikkje høve til parkering heilt oppe ved skytebana