Sjå tidlegare artikkel om korleis Fjord arbeider med prosjektet.

Læringsmiljøprosjektet hadde digital fagsamling 28. og 29. januar. Arbeidsgruppene i barnehagar, skular, helsestasjon og PPT var samla på rådhuset i Valldal til fagleg påfyll med anerkjende foredragshaldarar, refleksjon og arbeidsoppgåver. 

Livsmeistring

Tema ein var innom var livsmeistring med vekt på barn/elevar sitt behov for aktivitet, søvn, kosthald og mentale pausar for å ha kapasitet til regulering, korleis gjere barnets beste vurderingar, digitale krenkingar, foreldresamarbeid og kartlegging/undersøking av barnegruppa/klassa sitt sosiale portrett. 

Det kom inn mange gode innspel til område vi kan utvikle vidare. Det er veldig kjekt med felles fagleg oppdatering på tvers av tenesteområda. Saman kan vi bli endå betre til å skape gode læringsmiljø der barna har det trygt og godt.