Kampanjen handlar ikkje om å lese fort eller prestere, men om å skape leseglede, gode språkopplevingar og hyggelege stunder saman.
Kvifor er lesing viktig?
Leselyst
Marte Bjørgum
Dei første leveåra er avgjerande for språkutviklinga til barnet. Når vaksne les høgt, møter barnet nye ord, uttrykk og idear. Samstundes blir fantasien, nysgjerrigheita og evna til å kommunisere stimulert.
Høgtlesing kan bidra til:
- betre språkforståing og større ordforråd
- auka konsentrasjon og lytteevne
- utvikling av fantasi og kreativitet
- betre grunnlag for seinare lese- og skriveopplæring
- nære og trygge relasjonar mellom barn og vaksne
Kryss av i bokheftet
Barnet får sitt eige bokhefte der alle leste bøker vert registrert ved å krysse av eller skrive inn tittelen. Bøkene kan vere på norsk eller på andre språk, og både eigne bøker og bibliotekbøker kan registrerast. Målet er å lese 100 bøker før barnet fyller seks år, men det viktigaste er likevel ikkje talet på bøker, men å skape gode lesevanar og positive bokopplevingar.
Hent ditt eige bokhefte
Bokheftet får du gratis på alle biblioteka i Fjord.
Biblioteka våre har også eit stort utval av bøker og kan hjelpe med boktips og anbefalingar for ulike aldersgrupper:
- peikebøker for dei minste
- biletbøker
- eventyr og forteljingar
- faktabøker
Hent premiar
For å gjere lesinga ekstra motiverande kan barna få små premiar undervegs i kampanjen. Når barnet har nådd bestemte milepålar, til dømes etter 25, 50 og 75 bøker, får dei premie på biblioteket.
Når alle dei 100 bøkene er registrerte får barnet ein premie for innsatsen og eit diplom som viser at målet er nådd.
Alle barn kan delta
Kampanjen er open for alle barn i førskolealder. Alle startar på sitt eige nivå og kan lese i sitt eige tempo.
Stikk innom biblioteket ditt for å hente bokheftet, registrer bøker og bli med på reisa mot 100 bøker før 6-årsdagen!
100 bøker før du er 6 år