Namn: Leah Bjørnes
Alder : 18
Skule: Startar i august på VGS-3
Sommarjobb: Kjøkkenassistent
Kva jobbar du med Leah?
«Eg jobbar på kjøkkenet på institusjon i Valldal. Oppgåver eg har er å lage frukost til bebuarane, ta oppvask, lage kaffimat (bakst), servere middag og vaske og rydde kjøkkenet. Kollegaene er veldig hyggelige. Tida går så fort. Eg blir møtt med eit smil kvar dag.»
Du treff bebuarane også?
«Og ja! Eg hjelper til med servering av maten og eg synest det er fint å få eit innblikk i livet til dei som bur her. Eg kan få inn fleire små samtalar på ein dag, noko som er givande.»
Korleis hamna du på kjøkkenet?
«Eg har søkt generelt om sommarjobb i kommunen, men fekk plassen her då eg fortalte om mi erfaring. På Stranda har eg jobba på Esso, på kafé og som servitør.»
Pendlar du til jobb?
«Nei, eg bur med søstera mi og hennar familie på gard. Innimellom tek eg ein tur heim til Stranda. Men eg bur i Bergen».
Kva gjer du i fritida?
«Arbeidstida er fin slik at eg har ein lang kveld etter jobb. Elles er det kjekt å hjelpe på garden. Det er alltid noko å gjere».
Namn: Olav Øvrebust
Alder : 17
Skule: Startar på 2. året VGS
Sommarjobb: Stordalstunet - Dagsenter i heimebygda Stordal
Kva har du jobba med Olav?
Eg har jobba to veker på heimen og på dagsenteret i Stordal. Det var første gong at eg hadde sommarjobb innan helse, men det gjekk ganske greitt. Eg hadde hyggelege kollegaer. Og brukarane var like hyggelege. Eg opplev at dei set stor pris på kva vi gjer.
Kva oppgåver hadde du?
«Litt forskjellig. Det var både romvasking og å lage og servere mat, dekke på bordet og lage frukost.
Kan du tenkje deg å ha same jobb neste år?
«Ja! Det var veldig hyggeleg å jobbe her. Og med sommarjobb får ein også litt ekstra arbeidserfaring»
Kva har du lyst til å jobbe med når du ferdig med skulen?
«Eg har lyst til å jobbe på sjøen. Som skipsmekanikar».