Bufdir si tilskotsordning “Tilskudd til inkludering av barn og unge” er lyst ut for 2027. Bufdir lyser ut midlane med atterhald om endeleg budsjettvedtak på Stortinget. 

Mål og målgruppe

Målet med tilskotsordninga er å legge til rette for at alle barn og unge skal oppleve mestring og kunne delta i samfunnet. Tilskotsordninga gir støtte til utvikling av opne møteplassar, til deltaking på ferie- og fritidsaktivitetar og tilbod om sommar- og deltidsjobb. 

Målgruppa er barn og unge i alderen 0-24 år som av ulike grunnar står i fare for å hamne i utanforskap. Utanforskap er å stå utanfor møteplassar eller fellesskap i samfunnet. 

Kven kan søke

Frivillige organisasjonar og andre aktørar som er registrert i Frivilligregisteret på søknadstidspunktet.
 

Tilskot til inkludering av barn og unge Bufdir

Søknadsfrist

13. november 2026.

Slik søker du

1. Sett deg inn i regelverket og informasjonen på ordninga si nettside
    
2. Logg inn, fyll ut og send inn søknad i Bufdirs søknadsportal for tilskot. Det er ulike aktivitetstypar å søke på, les meir om dei på nettsida.

Send søknad

Informasjon om Bufdir si tilskotsordning “Tilskudd til inkludering av barn og unge”
 

Søk tilskotsmidlar i søknadsportalen til Bufdir
 

Etter at du har sendt søknaden

Barne-, ungdoms- og familiedirektoratet (Bufdir) deler ut midlane til denne ordninga. Kommunen vurderer søknadane og tilrår til Bufdir. Bufdir tar den endelege avgjerda om kven som får midlar. Informasjon om forventa saksbehandlingstid vil bli publisert på nettsida til ordninga i slutten av januar 2027.