Open dag på brannstasjonen

Fjord og Stranda brann- og redningsvesen inviterer til open brannstasjon i Valldal laurdag 26. september klokka 11-14.

Det blir demonstrasjon av brann i smultgryte, slokking med slokkeapparat, spyling med brannslange, kunnskapsløype og anna.

Brannbamsen Bjørnis er dessverre opptatt denne laurdagen, men han skal besøke alle barnehagane i Fjord og Stranda i veke 39. Han gler seg til å møte borna då! 

Brannvernveka

Veke 38 er brannvernveka i Norge der brannvesenet, skular, barnehagar, arbeidsplassar og frivillige organisasjonar i fellesskap set fokus på brannsikkerheit og brannøving med mål om å gjere Norge tryggare.

Årets hovudaktivitet – Nasjonal brannøvelse

I årets Brannvernveke oppfordrar vi alle til å gjennomføre ei enkel brannøving heime. 

På nettsida brannovelse.no finn du eit digitalt verktøy som hjelper familien med å lage ein øvingsplan tilpassa eigen situasjon.

Brannslokking Fjord og Stranda brann- og redningsvesen

Bjørnis med røykvarslar Fjord og Stranda brann- og redningsvesen