Vallda Fjordhotell 1. oktober

Det var om lag hundre personar til stades på den første seniormiddagen i år. Vi fekk teste ut den nye storstova til fjordhotellet, det var god stemning og og deltakarane gav gode tilbakemeldingar på mat og servering. Vi fekk også oppleve vakker musikk av Konstantin. Varaordførar Lars Kristian Øvrebust var til stades og snakka mellom anna om eldrekrafta som vi har i Fjord og alt det gode som kjem ut av den. Frivilligsentralane snakka om ABC Oktober og frivillig innsats - vi har alle noko vi kan bidra med i lokalsamfunnet - har du funne di oppgåve?

Eldredagen – ein hyllest til livserfaring, fellesskap og engasjement

Eldredagen 1.oktober er ei internasjonal markering som løftar fram eldre som en verdifull ressurs i samfunnet. Dette er ein dag for fagleg påfyll og sosialt fellesskap som skal minne oss om betydninga av å vere trygg og inkludert i lokalsamfunnet. Vi lever lengre enn nokon gong før og vi treng eit samfunn rigga for aktive eldre.

Samarbeid med pensjonistlaga

Vi takkar pensjonistlaga i kommunen for godt samarbeid om tiltaket som er finansiert med tilskot frå Pensjonistforbundet.

Plass til fleire

Det er framleis ledige plassar på seniormiddagane på Nilsgardsstunet og i Nerigardsløa.

Påmeldingsskjema for seniormiddag