Fjord har sendt høyringsuttale om ambulansetenesta

Fjord kommune har sendt høyringsuttale til Helse Møre og Romsdal i samband med forslag om reduksjon i ambulansestasjonar og bemanning.

I uttalen går kommunen imot dei føreslåtte kutta, og meiner dei vil svekke akuttberedskapen i regionen. Kommunen peikar særleg på at responstid er avgjerande i akutte situasjonar, og at endringane kan få konsekvensar for liv og helse.

Fjord kommune løftar fram dei særlege utfordringane i området, som lange avstandar, krevjande geografi, ferjeavhengigheit og stor turisttrafikk. Dette gjer behovet for god beredskap ekstra viktig.

Kommunen ber om at dei planlagde endringane blir stansa, og at omsynet til pasienttryggleik og beredskap blir tillagt avgjerande vekt.