Høyringsbrev – Forskrift om restlysforsterkarar og termiske siktemiddel for jakt på hjort i ope terreng, Fjord kommune

Bakgrunn for forskrifta

Det har kome ny viltressurslov og utøvingsforskrift med verknad frå 01.07.2026. I dette regelverket er det nokre generelle forbod/restriksjonar mot å nytte synleg lys, restlysforsterkarar og termiske siktemiddel. Regelverket opnar likevel for at kommunen gjennom forskrift kan tillate dette for jakt på hjort i ope terreng.

Forskrift om utøving av jakt, felling og fangst:

«For å avverge alvorlig skade på natur- eller samfunnsinteresser som følge av høy bestandstetthet, kan kommunen i forskrift åpne for bruk av restlysforsterkende og termiske siktemidler ved jakt på hjort. Bruken av restlysforsterkende og termiske siktemidler skal avgrenses til jakt i åpent terreng. Kommunen skal vurdere behovet for videreføring av en slik forskriftsregel hvert femte år. Kopi av vurderingen skal sendes Landbruksdirektoratet. Jegeren skal rapportere bruk av restlysforsterkende og termiske siktemidler ved felling av hjort i Hjorteviltregisteret.»

I Fjord kommune er mykje av jordbruksarealet gras, frukt og bær, og dermed med stor fare for skade på samfunnsinteresser i form av økonomisk tap i jordbruksproduksjonen, om hjortebestanden ikkje vert halden på eit rimeleg lågt nivå. Spesielt nær dyrka mark er det difor naudsynt å gjere det enklare å ta ut dei dyra som er der, og når dei er der, altså ofte i skumringa. Ved å tillate nemnde optiske siktemiddel tilrettelegg ein for dette.

I viltressurslova er føremålet «å sikre at forvaltning av viltressursene gjennom jakt, fangst, felling og annen håndtering av vilt skjer på en bærekraftig og forsvarlig måte, i samsvar med naturmangfoldloven og dyrevelferdsloven.» Å opne for nemnde siktemiddel på den måten som er beskrive, vil ikkje bryte med dette føremålet. God forvaltning, herunder å sikra overleving av bestanden, vert sikra gjennom bestandsplanar og tildeling av kvote. Dette vurderer ein fortløpande, og ein vurderer at det som er bestemt i naturmangfaldlova §§ 8-12 då samla sett er ivareteke. 

I høyringsinnspela frå kommunen/viltutvalet til viltressurslova med forskrift var det spela inn at nemnde siktemiddel burde vera tillate generelt. I prosessen kom det mange formelle og uformelle innspel som støtta dette. Ut frå dette ser det ut til at majoriteten, spesielt for dei med jaktinteresse, er for, og i alle høve ikkje imot, at ein skal kunna nytta slike siktemiddel der det er opna for det. Sidan jakt er ein grunneigarrett, bør dette vega tungt.

Forskriftsutkastet er ikkje handsama politisk, men er sendt ut på høyring etter oppmoding frå leiar i viltnemnda, og i samråd med kommunalsjef teknisk, landbruk og miljø.

Saka vert handsama politisk etter at høyringsinnspel har kome inn.

Send innspel

Høyringsinnspel kan sendast til
post@fjord.kommune eller
Fjord kommune, postboks 144, 6211 Valldal