Givarglede hjelper alle som treng det
Det nærmar seg påske og mange av oss har det vi treng og enda litt til. Likevel trur vi at det i Fjord kommune, som andre stadar, kan vere nokon som ikkje har det like bra. Av ulike årsaker kan det vere vanskeleg å få endane til å møtes, og kanskje kan ei matkasse til påske vere til litt hjelp?
Givarglede hjelper alle - gammal som ung - ingen ønsker er for små eller for store.
Til deg som ønskjer å motta ei matkasse
Vi veit at det kan vere vanskeleg å ta kontakt sjølv, så ta gjerne kontakt gjennom nokon andre du kjenner deg trygg på. Eller kanskje du kjenner nokon som har ekstra utfordringar? Det er kjekt å kunne hjelpe akkurat deg litt ekstra i år. Ein annan gong kan det vere du som hjelper nokon andre.
Ta kontakt på e-post frivillig@fjord.kommune.no
Frist: 18. mars
Kom gjerne med stikkord om kva du treng og kor mange det er i husstanden. Om det er barn i husstanden er det fint med antal og alder.
Vil du bidra?
Vipps til 741324 eller bruk kontonummer 3905.15.69184
Lag og organisasjonar, privatpersonar og bedrifter som vil bidra med midlar eller varer kan ta kontakt på e-post: frivillig@fjord.kommune.no
Midlar som blir til overs, vil bli nytta til jul og i beredskap til innbyggarar ved spesielle hendingar.
Om Givarglede
Givarglede var starta til jul i 2021 etter privat initiativ og i samarbeid med frivillige, Eidsdal-Norddal Røde Kors og Fjord kommune. Tiltaket er vidareført med matkasse også til påske.
Vi har oppretta ei arbeidsgruppe for Givarglede, som består av representantar for Eidsdal-Norddal Røde Kors, frivilligsentral og frivillige. Vi har samarbeid med helse, omsorg og velferd i Fjord kommune og med næringslivet.
Teieplikt
Vi er opptatt av personvern, og dette blir teke i vare. Dei som sit i arbeidsgruppa for Givarglede har teieplikt.
Informasjonen om Givarglede påske 2024 finn du også her. (PDF, 182 kB) (PDF, 127 kB)
Givarglede til jul
Fjord kommune
Påskehelsing frå sambygdingar
som ønsker å gjere ein forskjell