«Fosterhjemsuka» er ei veke med ulike arrangement rundt omkring i landet, om det å vere ein fosterheim. Fosterhjemsuka blir arrangert av Bufetat, Barne- og familieetaten i Oslo og Bufdir.

Fosterheim

Når eit barn treng eit nytt kapittel i livet, leitar kommunane og fosterheimstenestene i nærmiljøet først. Å måtte flytte kan vere dramatisk, og det å bytte skule, fotballag og få nye venar kan vere ei ekstra belastning. Vi håpar at flest mogleg kan reflektere over om dei kan vere fosterheim dersom eit barn i nærmiljøet treng det.

Fleire av barna som treng fosterheim, har minoritetsbakgrunn. Vi søker også fosterheimar som forstår betydninga av å bevare kultur og tradisjonar. Dette gjer overgangen til en ny kvardag enklare for barnet.

Har du tenkt på å bli fosterheim?

Mange av dei som vurderer å bli fosterheim, har tenkt på det lenge, ofte i fleire år. Å delta på et arrangement under Fosterhjemsuka vil forhåpentlegvis gi deg informasjon og inspirasjon som gjer valget enklare.

Hedvig Montgomery Ida Bjørvik

Kva arrangement kan du delta på?

Digital sofaprat med Hedvig Montgomery

Korleis kan vi forstå barna sine behov, møte dei med tryggheit og bygge sterke relasjonar? Psykolog og familieterapeut Hedvig Montgomery deler innsikt og verktøy som kan styrke deg i rolla som fosterforelder.

Digitale informasjonsmøte om fosterheim

Dette møtet er for deg som er nysgjerrig på korleis det er å vere fosterheim. Her kan du stille spørsmål om alt du lurer på.