Utsleppsløyve

Etablering av nye utslepp av sanitært avløpsvatn, eller vesentleg auke av eksisterande utslepp, er søknadspliktig, jamfør forureiningsforskrifta kapittel 12. Søknadsplikta gjeld også når avløp går til tett tank. 

Søknad om utsleppsløyve 

Rettleiing for søknaden (PDF, 375 kB).

Etablere eller utbetre

Om du har behov for å etablere eller utbetre eit avløpsanlegg, må du sende søknad om utsleppsløyve, rapport om grunnundersøkingar og nabovarsel til kommunen.

Gjeld utsleppsløyve nytt tiltak (ny bustad, fritidsbustad m.m.), bør søknaden sendast inn samstundes  med søknad om byggeløyve.

Vi anbefaler at du tar kontakt med kommunen før du gjer utbetringar på anlegget ditt. Mindre endringar av anlegget kan vere bortkasta pengar, om kommunen krev andre typer utbetringar.