Fjord kulturskule tilbyr undervisning innan fagområda musikk, dans og visuell kunst. Kulturskulen har om lag 100 elevplassar. Born og unge vert prioritert ved opptak. Vi ønsker også å tilby tenester til andre grupper og vere ein samarbeidspartnar for lag og organisasjonar i kommunen. Vi har til dømes ei tilrettelagt musikkgruppe for vaksne, og vi tilbyr subsidierte dirigenttenester for skulekorpsa i kommunen. Fjord kulturskule har som mål å vere eit musikkpedagogisk ressurssenter i kommunen. 
Undervisningsstadar er Stordal, Valldal og Eidsdal.

Heimel for drifta av kulturskulane finn vi i Opplæringslova § 13-6, der det står følgjande: «Alle kommunar skal aleine eller i samarbeid med andre kommunar ha eit musikk- og kulturskoletilbod til barn og unge, organisert i tilknyting til skoleverket og kulturlivet elles.» Kulturskulerektor har det faglege og administrative ansvaret for drifta av kulturskulane. 

Følg oss gjerne på facebook