Kva er ein digital kaffikrok? 

Den digitale kaffikroken er eit gratis lågterskeltilbod der du kan få hjelp, rettleiing og opplæring i bruk av mobil, nettbrett og digitale tenester. Har du utstyr sjølv - ta det gjerne med. Du treng ikkje ha utstyr sjølv - du kan få låne eit nettbrett med oss.

Tilbodet finn du på:

• Nærbutikken i Norddal – tysdag i partalsveker kl. 11.00 –13.00 (oppstart 01.09)
• Nærbutikken i Tafjord- tysdag i oddetalsveker kl. 11.00–13.00 (oppstart 25.08)
• Eidsdal omsorgsbustad - onsdag kl. 11.00–13.00 i partalsveker (oppstart 02.09)
• Biblioteket i Valldal - torsdag kl. 11.30-13.30 i partalsveker (oppstart 03.09)
• Stordal frivilligsentral - torsdag kl.13.00-15.00 i oddetalsveker (oppstart 10.09)

Aldersvennlig Norge

Du kan få hjelp til: 

• Grunnleggjande bruk av mobil og nettbrett
• Bruk av appar og digitale tenester (til dømes bruk av helsenorge.no) 
• Å forstå digitale omgrep og funksjonar 
• Tryggleik på nett og korleis unngå svindel
• Å øve og bli tryggare i bruk av teknologi

Korleis fungerer tilbodet? 

• Du kan møte opp utan påmelding (drop-in) til faste tider
• Du får hjelp av rettleiar 
• Du kan delta så mykje eller lite du vil

For å sikre tryggleik og gode rammer kan vi ikkje: 

• Bruke eller be om BankID, passord eller personlege kodar 
• Utføre oppgåver på dine vegner (til dømes logge inn og gjennomføre betaling for deg).
• Gi teknisk service eller reparere utstyr 
• Ta ansvar for kjøp, abonnement eller økonomiske val. 

Vi kan vise deg korleis du kan gjere det sjølv, men du må sjølv utføre handlingane. 

Kven møter eg der?  

• Karoline Lingaas som har ansvar for opplæring 
• Frivillige som bidreg med støtte og sosialt fellesskap
• Andre som ønskjer å få hjelp, rettleiing og opplæring i bruk av mobil, nettbrett og digitale tenester

Tilbodet passar for deg som: 

• Aldri har brukt digitale verktøy før
• Kan litt, men ønskjer å bli tryggare
• Treng hjelp til konkrete oppgåver

Du kan få digital opplæring heime som eit supplement eller eit alternativ til tilbodet.