Fjord helsestasjon held til på Storfjord helsesenter i Valldal på på legekontoret i Stordal. Dei gir tenester til gravide, barn og ungdom i alderen 0-21 år og deira føresette. 
Informasjon om helsestasjon og jordmor

Gravid

Jordmortenesta er kommunen sitt helsefremjande og førebyggjande tilbod til gravide og deira partnar. Er du gravid, får du tilbod om oppfølging gjennom svangerskapet hos jordmor på helsestasjonen eller hos din fastlege. Jordmor tilbyr også oppfølging etter fødsel. Tilbodet er gratis. 
Meir informasjon om Jordmortenesta 

Spedbarn 0-12 månader

Helsestasjonen er kommunen sitt helsefremjande og førebyggjande tilbod til alle barn i aldersgruppa 0-12 månadar og deira foreldre. Tilbodet er gratis. Helsesjukepleiar og lege tilbyr regelmessig oppfølging, og kan tilvise barn og familier med spesielle behov til andre helsetenester. Føresette kan også ta kontakt ved behov ut over faste avtalar.

Meir informasjon om helsestasjon 0-5 år

Barn 1-5 år

Helsestasjonen er kommunen sitt helsefremjande og førebyggjande tilbod til alle barn i aldersgruppa 0-5 år og deira foreldre. Tilbodet er gratis. Helsestasjonen skal bidra til barn si fysiske, psykiske og sosiale helse, og styrke og støtte foreldre i å meistre foreldrerolla. Helsestasjonen kan også avdekke sjukdom og skeivutvikling, og vere ein ressurs for barn og familier som har behov for ekstra støtte og hjelp.

Les meir om kva helsesjukepleiar og lege kan tilby

Skulehelsetenesta 6-20 år
Vi har skulehelseteneste på alle barneskular og ungdomsskulane. Skulehelsetenesta er ansvarleg for vaksinasjon av barn og ungdom, og gir i samarbeid med skulen tilbod om undervisning i klasser og grupper, samt individuelle samtalar/oppfølging. Tenesta er gratis og helsepersonell har teieplikt.

Meir informasjon om skulehelsetenesta 

Helsestasjon for ungdom
Helsestasjon for ungdom er eit lågterskeltilbod for ungdom i alderen 13-25 år, og er eit supplement til skulehelsetenesta. Tenesta er gratis og helsepersonell har teieplikt.

Meir informasjon om helsestasjon for ungdom

ICDP

ICDP er eit foreldrestøttande kurs som Fjord kommune tilbyr alle foreldre innan barnet fyller 2 år i regi av helsestasjonen. Det kan også vere grupper eller individuelle kurs for foreldre til barn og unge i alle aldrar etter behov. Det er i alt 8 samlingar med sertifiserte ICDP-vegleiarar. 

ICDP, International Child Development Programme, handlar om å fremje barnet si psykososiale utvikling. Målsetjinga er å understøtte foreldre sin omsorgskompetanse og påverke kvaliteten på kontakta, og samspelet i relasjonen, mellom foreldre/omsorgsgivar og barnet og har 3 overordna mål:
•    Å fremje den positive oppfatninga av og haldninga til barnet.
•    Å påverke foreldre/omsorgsgjevar si forståing av kor viktig samhandlinga mellom foreldre/omsorgsgivar og barnet er for barnet si utvikling.
•    Å fremje foreldre/omsorgsgjevar si oppfatning av seg sjølv som kompetent og meistrande.

Les meir om kva ICDP er og korleis bli med på kurs
 

PPT hjelper skulane og barnehagane slik at barn og unge skal få tilpassa, inkluderande og likeverdig opplæring.

Tenesta arbeider på eit overordna nivå og skal i all hovudsak hjelpe leiinga i skulane og barnehagane med kompetanseheving og organisasjonsutvikling. Målet er å legge til rette for at alle får tilpassa, inkluderande og likeverdig opplæring. 

Tenesta skal skrive sakkunnig vurdering der lova krev det. Det kan dreie seg om tidlegare eller utsett skulestart, heilt eller delvis fritak frå opplæringsplikta og elevar som treng spesialundervisning eller spesialpedagogisk hjelp.

Stranda og Fjord har ei felles PP-teneste. Stranda er vertskommune for tenesta.

Meir om PPT, korleis dei arbeidar med organisasjonsutvikling, kompetanseheving og sakkunnig innsats 

Fjord kommune har ei koordinerande eining for helse- og omsorgstenester. Her kan du få råd dersom du er usikker på kva tenestetilbod som passar deg. Eininga har også det overordna ansvaret for individuell plan og for oppnemning, opplæring og rettleiing av koordinator og barnekoordinator. Koordinatoren er kontaktperson for pasient og pårørande, og kan vere knytt til ulike tenesteområder.

Barnekoordinator sine oppgåver er å:

·    Koordinere det samla tenestetilbodet.
·    Ha oversikt over og bidra aktivt til å ivareta kommunens ansvar for nødvendig oppfølging og tilrettelegging for familien og barnet. Dette i form av tilbod om eller yting av helse- og omsorgstenester og andre velferdstenester.
·    Sørge for at familien og barnet får nødvendig og heilskapleg rettleiing.
·    Sørge for framdrift i arbeidet med individuell plan. 
 

Familievernkontoret gir tilbod om rådgjeving og samtalar når det er vanskar, konflikter eller krise i familien. Kontoret utfører lovpålagt mekling for foreldre med felles barn under 16 år ved samlivsbrot og samlivsvanskar mellom foreldra. 

Alle som treng å prate om vanskelege forhold kan søkje familierådgjeving ved familievernkontoret.

Familievernkontoret held til i Ålesund, men dekker kommunane: Ålesund, Fjord, Giske, Sula, Stranda, Sykkylven, Ørsta, Volda, Hareid, Ulstein, Herøy, Sande og Vanylven. 

Ein treng ikkje henvising for å kome til familievernkontoret, og tilbodet er gratis.

Interkommunal barnevernteneste

Barnevernet skal sikre at barn og unge som lever under forhold som kan skade helse og utvikling, får rett hjelp og omsorg til rett tid. I tillegg skal barnevernet bidra til at barn og unge får trygge oppvekstvilkår.

Fjord og Stranda har felles barnevernteneste med tilhaldsstad på rådhuset på Stranda. Ved behov har dei tilgang til kontor og møterom i kvar av kommunane. 

Adresse: Øyna 13, 6200 Stranda
Telefon: 464 11 065

Les meir om barnevernstenesta sine tilbod

Interkommunal barnevernvakt

Barnevernsvakta er barneverntenesta sin akuttberedskap og er open heile døgnet.
Hovudoppgåva er å bistå barn, unge og familiar i akutte situasjonar, og dei skal først og fremst sikre at barn og unge har det trygt. Barnevernvakta skal i hovudsak gi råd og rettleiing på telefon. Ved akutt krise kan barnevernvakta vurdere å rykke ut for å bistå meir aktivt i situasjonar.

Adresse:
Ålesund politistasjon
Korsegata 4 (Postgården)
6003 ÅLESUND

Telefon Barnevernvakta: 91 57 60 20 
Telefon politi: 02800

Tenesta har eit lågterskeltilbod for barn, ungdom og familiar. Målet er å komma tidleg inn og bidra til å førebyggja før vanskane blir meir alvorlege, og dessutan å bidra til at barn, ungdom og familiar opplever auka livskvalitet og meistring. 

Tenesta er tverrfagleg samansett med familierettleiar, psykolog, skuleLos og psykisk helsearbeidarar.

Hjelp blir gitt gjennom individuell oppfølging, par- og familiesamtalar, systemrettleiing og samarbeid med barnehage, skule og andre tenester. 

Telefon: 41 86 79 48 

Meir informasjon om tenesta 

Kommunepsykologen sine primæroppgåver:

• bidra til å styrke det helsefremjande og førebyggande arbeidet i kommunen
• bidra i tverrfagleg samarbeid
• delta i kommunen si psykiske helse- og rusteneste, samt styrke det kommunale arbeidet på dette feltet

Arbeids- og velferdsforvaltninga (NAV) er ein offentleg etat underlagt Arbeids- og sosialdepartementet som har ansvar for organisering og finansiering av arbeidsmarknadstiltak, trygdeytingar og sosialhjelp.

NAV skal være spesielt merksam på oppvekstvilkåra til barn og unge. Barnekonvensjonen er ein del av norsk lov, og skal sikre at avgjersler, også dei som gjeld vaksne, skal vere til barns beste. Barn har rett til ein tilstrekkeleg levestandard, og rett til å bli høyrt. 

Fjord har felles NAV-kontor med Ålesund.

Krisesenter for Sunnmøre er eit gratis, døgnope tilbod for barn, kvinner og menn som er eller har vore utsett for vald i nære relasjonar. Krisesenteret er lokalisert i Ålesund kommune, men er eit interkommunalt tilbod til innbyggarar i Ålesund, Ørsta, Volda, Herøy, Sande, Ulstein, Hareid, Sula, Giske, Fjord, Vanylven, Stranda og Sykkylven. Personar frå andre stadar i Norge kan også nytte deira tilbod. 

Krisesenteret kan tilby:

• Butilbod
• Dagtilbod
• Advokatbistand

Avdeling for kvinner og barn
Døgnopen krisetelefon: 70 16 33 33 / 945 39 945
E-post: krisesenter-kvinner@alesund.kommune.no

Avdeling for menn og barn
Døgnopen krisetelefon: 90 70 74 33
E-post: krisesenter-menn@alesund.kommune.no

Felles nettstad: Sunnmøre krisesenter

Flyktningtenesta er ein del av eininga oppvekst og kultur, og har ansvar for koordinering av busetting, kvalifisering og integrering av flyktningar i Fjord kommune.

Flyktningtenesta har fokus på samhandling, og ønsker å bidra positivt til at born og unge som er busett som flyktningar i Fjord raskt skal kjenne seg heime og bli aktive deltakarar i lokalsamfunnet. Flyktningtenesta har oppfølgingsansvar i inntil 5 år frå ein flyktning blir busett i Fjord kommune etter avtale med IMDi.

Meir informasjon om tenesta

Kommunen har eit kriseteam som kan gje psykososial omsorg og støtte i ein krisesituasjon. Dette er ei tverrfagleg gruppe med kompetanse frå mange fagområde. 

Meir informasjon om kriseteamet  
 

Fjord kommune har eit rikt og variert kulturtilbod til barn og unge.  

Lag og organisasjonar i kommunen

Alle har noko å gje og alle treng ei hand. Frivilligsentralane brenn for at menneske skal møtast og berike kvarandre. Å bidra for andre gjennom frivillig innsats skapar ny meining i livet. Fjord frivilligsentral har også ein eigen utstyrsentral der ein kan låne gratis utstyr til friluft og aktivitet.