Vi ønsker å hjelpe deg som planlegg tiltak

Plan- og bygningslova og jordlova stiller krav til at alle tiltak må vurderast opp mot gjeldande planar og reglar. Kommunen har ansvar for å ivareta desse omsyna – men også for å rettleie deg som vil utvikle eigedomen din.
Vi tilbyr to nivå av rettleiing:

Standard rettleiing – for alle tiltakshavarar

Vi har samla mykje viktig informasjon her på nettsida. Vi anbefaler at du først les gjennom desse sidene:

• Slik søker du dispensasjon
• Naturfare og arealplanar – kva må du sjekke?
• Korleis lage ein situasjonsplan
   

Desse rettleiarane gir steg-for-steg-hjelp for å forstå kva reglar som gjeld, kva planstatus eigedomen har og kva dokumentasjon du må ha med i ein søknad.

Vi tilbyr i tillegg

• Enkel avklaring på e-post eller telefon om noko er uklart.
• Kort møte for å klargjere planstatus eller andre hovudspørsmål.

Ansvar hos tiltakshavar

• Du har sjølv ansvar for å sende ein fullstendig og god søknad.
• For meir komplekse tiltak må du ofte bruke ansvarleg søkar eller rådgivar.
• Kommunen kan ikkje love godkjenning eller skrive søknaden for deg.
   

Formålet med denne rettleiinga

• Gi deg oversikt over reglar og krav.
• Peike på kva du må ha med i ein søknad.
• Gjere deg i stand til å sende ein god og fullstendig søknad.

Utvida rettleiing – for fellesskapsføremål

For tiltak som har verdi for fellesskapet i bygdene våre, kan vi tilby meir tilpassa og grundig rettleiing.
Dette kan for eksempel vere:

• Tiltak frå frivillige lag og organisasjonar.
• Tiltak som legg til rette for bustadbruk.
• Prosjekt som styrkar lokale arbeidsplassar eller møteplassar.
   

Vi vurderer kvar sak individuelt for å finne ut kva rettleiingsnivå som passar.

Vi kan tilby

• Tilpassa møte eller rådgivingstime.
• Grundigare gjennomgang av planstatus og føresegner.
• Hjelp til å forstå kva dokumentasjon som krevst.
• Drøfte realistiske løysingar og neste steg.

Avgrensingar

• Vi kan ikkje skrive søknaden for deg.
• Vi kan ikkje love at søknaden blir godkjend.
• Vi må vurdere alle søknader konkret etter lovverket.

Forventningar til deg som tiltakshavar

For at du skal få mest mogleg ut av rettleiinga, ber vi om at du:

• Les gjennom informasjonen på nettsida før du avtaler møte.
• Avklarar kva du ønsker hjelp til.
• Er budd på at du sjølv har ansvar for å utforme og dokumentere søknaden.
• Forstår at vi må vurdere alle søknader etter gjeldande planar og reglar.

Avtal rettleiingstime

Ønskjer du ein rettleiingstime – anten for standard eller utvida rettleiing – kan du ta kontakt med oss på e-post eller telefon for å avtale tidspunkt.

Vi ser fram til å hjelpe deg med å forstå regelverket og finne gode løysingar der det er mogleg.