Måsetting

Fjord kommune ønskjer å rekruttere fleire sjukepleiarar, og har etablert ei stipendordning for denne gruppa. Stipendet vil stimulere til rekruttering av sjukepleierar til kommunen ved å støtte sjukepleiestudentar økonomisk, under utdanning i bytte mot arbeid i kommunen, undervegs og etter fullført utdanning.

Stipendet

Årleg tre stipend på inntil 33 000 kr til studentar som oppfyller krav til arbeidsplikt - totalt kr.  99 000 NOK over tre år.

Kven kan søkje?

• Studentar på 1. eller 2. studieår i sjukepleie, eller 1. semester i 3. studieår.
• Studentar som har tilknyting til Fjord kommune, eller som er villige til å arbeide i kommunen etter fullført utdanning.

Vilkår og krav

Vilkår
Fulltid i minst 6 veker om sommaren (hovudferieperiode: juni–august), inkludert 2 helger i hovudferien på sommaren.
Stipendet gir eit - to års binding til Fjord kommune etter fullført utdanning og autorisasjon som sjukepleier (i samsvar med lengda på økonomisk støtte). 
Fjord kommune forpliktar å tilby 100 % stilling etter fullført utdanning og autorisasjon som sjukepleier. Arbeidsstad vil vere innafor PLO i Fjord kommune og bli avklart i god tid før fullført utdanning. 

Avtaleperiode
Stipendet gjeld for eitt år av gongen, og vert utbetalt som eit eingongsbeløp ved kvart semester (halvårleg), altså kr. 16.500,- NOK pr. utbetaling.

Andre krav
Godkjent studieprogresjon, med krav til løpande dokumentasjon av fullførte studiepoeng i tråd med utdanningsløpet.
Dersom studenten avsluttar utdanninga eller ikkje oppfyller arbeidspliktene, fell stipendet bort og må delvis eller heilt tilbakebetalast.
Det skal skrivast ein forpliktande juridisk avtale, mellom studenten og Fjord kommune.

Søknadsprosess
Studentar sender inn søknad med dokumentasjon på studieprogresjon, motivasjon og tilknytning til Fjord kommune ved bruk av dette skjemaet.
•    Skjema - Bli med på laget, og søk om stipend.
•    Søknadsfrist: Løpande behandling til midlar er brukt opp.
Søknadene blir behandla av kommunalsjef Helse, omsorg og velferd, personalsjef og tillitsvald frå Sjukepleiarforbundet

Evaluering og prioritering

Stipendet vert prioritert til studentar som viser:
•    Personleg eignaskap. 
•    Stabilitet og pålitelegheit.
•    Gode samarbeidsevner og digital kompetanse.    
•    Evne til å bidra positivt til arbeidsmiljøet.

Er du sjukepleiarstudent kan du du søkje om stipend under utdanning.