Rådmannen si innstilling:
1.
Norddal kommune ser positivt på det kriminalitetsførebyggjande
prosjektet og søker KRÅD om stimuleringsmidlar.
2.
Finansiering av ei 30 % stilling som SLT-koordinator vil ein
kome tilbake til etter ei eventuell tildeling.
-----------------------------------------------------
Handsaming i Kommunestyret 08.03.2007:
Per Jomar Nerli Al
fekk permisjon frå resten av møtet – Per Ove Ødegaard gjekk inn i han sin stad.
Røysting:
Samrøystes i samsvar med innstillinga.
--------------------------------Dette er slutten på
behandlingsteksten (denne teksten skrives ikke
ut)------------------------------------------------
Saksgrunnlag:
Norddal kommune har motteke brev frå Det
kriminalitetsforebyggende råd (KRÅD) med informasjon om høvet til å opprette ei
SLT-koordinatorstilling i kommunen.
Saksopplysningar:
SLT er ein tverretatleg samarbeidsmodell for organisering, koordinering
og vidareutvikling av tiltak på lokalplanet. Samordninga krev forankring i
lokale styringsorgan og i politiet. Modellen legg vekt på nytten av å ha ein
koordinator til å sørgje for framdrifta av dette arbeidet i kommunen.
Det blir føresett at det blir tilsett koordinator i minimum
30 % stilling. Vedtak må fattast for minimum 3 år.
Ordninga som har som overordna mål å førebyggje kriminalitet
mellom barn og unge.
Det er i dag 160 kommunar som er med i SLT-ordninga. Vi har
vore i kontakt med Sandøy og Ørskog kommunar som har gitt positive
tilbakemeldingar om at dei er særs nøgde med opplegget.
SLT-arbeidet skal organiserast på tre nivå: ei overordna
styringsgruppe, ei arbeidsgruppe og det utøvande nivået.
KRÅD tilrår at den overordna styringsgruppa skal bestå av
anten ordførar eller rådmann, lensmann og SLT-koordinator. Norddal kommune har
den tverrfaglege samarbeidsgruppa Byggeklossen, som består av pedagogisk
konsulent, helsesøster, psykiatrisk sjukepleiar, sosialleiar, kultursjef og
miljøarbeidar. Denne kan utvidast og fungere som arbeidsgruppe for SLT. Den
utøvande stillinga som SLT-koordinator vil det vere naturleg å sjå i samanheng
med eksisterande stillingar i organisasjonen, mellom anna den nyoppretta
stillinga som miljøarbeidar.
Lensmannen i Stranda og Norddal ser positivt på saka.
Saksvurdering og konklusjon:
Vi er ein kommune med sjeldan besøk av politi. Vi veit av
erfaring at mange ungdommar kan strekke grensene for kva som er lov og ikkje
lov. Gjennom SLT vil vi få eit organisasjonsapparat og ressursar til
førebyggjande aktivitetar og informasjon.
Med det nye ungdomstiltaket Ung fredag og dei to
eksisterande ungdomsklubbane i kommunen har vi og ein viktig prosjektarena, ein
møteplass for den målgruppa prosjektet gjeld.
Ifylgje retningslinjene til KRÅD kan ein søknad tilføre
kommunen inntil kr 150 000, avhengig av søkjartal og innbyggjartal. Dette er
ein eingongssum. Det er høve til å søkje om midlar fleire gongar. Midlane kan i
startfasen brukast til å delfinansiere lønn til koordinatorstillinga. Kommunen
må forplikte seg på eigenfinansiering på minst det same beløpet som blir
tildelt, her kan vi nytte midlar til allereie eksisterande tiltak.
Norddal kommune ser positivt på det
kriminalitetsførebyggjande prosjektet og søker KRÅD om stimuleringsmidlar.
Finansiering av ei 3-årig prosjektstilling som
SLT-koordinator i 30 % vil vi kome tilbake til etter ei eventuell tildeling.
