Saksgrunnlag:
Opparbeiding og tiltrettelegging langs Rv63 på
Gudbrandsjuvet er eit prosjekt i Nasjonal Turistveg.
For dette blir det fremma ein reguleringsplan med
tilhøyrande detaljering av tiltaka.
Reguleringsplanen er ein offentleg plansak der kommunen har stått for
oppstart, kunngjering og sakshandsaming.
Planen blir fremma av Statens vegvesen som også står for prosjektet.
Oppstart av planarbeidet var kunngjort hausten 2003. Det har kome 4 merknader til
oppstartsmeldinga.
Saksopplysningar:
Merknad 1. Møre og Romsdal
fylkeskommune, nærings- og miljøavdelinga
I kunngjeringa er det usikkert med storleiken av
planområdet. Det endelege planområdet
må kome innanfor det som er kunngjort.
Ingen andre merknader.
Merknad 2. Fylkesmannen i Møre og
Romsdal
Kunngjeringa er ikkje konkret på omfang eller type
tiltak. Det blir vist til at Valldøla
er verna vassdrag. Ein må vere ytterst
varsam med å etablere tiltak som kan redusere dei naturgitte kvalitetane.
Det må takast omsyn til landbruksareal i området, og det kan
gje grunnlag for merknader dersom produktivt landbruksareal blir omdisponert.
Merknad 3. Møre og Romsdal
fylkeskommune, kulturavdelinga
Det har vore synfaring i området. Automatisk freda kulturminne kjem ikkje i konflikt med
planen. Olavsvegen er og vurdert. Ein reknar med at kulturlandskapet elles er
ein del av attraksjonen i området.
Merknad 4. Margareth Nerhus, 6390
Vestnes
Dette gjeld eigedom gnr 19 bnr 1, Alstadsæter. Ein ser positivt på tiltaket frå Nasjonal
Turistveg.
Det er behov for betydeleg større parkeringsplass ved juvet
samt ordna toalettilhøve.
Vidare ligg det til rette for kiosk/enkelt
serveringsetablissement, gjerne som eit nytt bygg der kiosk ligg i dag og med
fleire interessentar.
Ein treng betre sikring kring juvet, men meir med
naturmateriale.
Det blir til slutt opna for eit samarbeid mellom fleire.
Kommentar
Slik planframlegget no ligg føre, er dei fleste av desse
momenta tekne omsyn til.
Planframlegget
Planframlegget er utarbeidd av arkitektfirmaet Jensen &
Skodvin i Oslo. Plandokumenta består av
plankart, reguleringsbestemmelser og planbeskrivelse. Det er og laga ein modell for området.
a.
Plankartet
Parkering blir løyst med tre parkeringsplassar:
-
P1 ny langsgåande parkering vest for krysset og juvet
-
P2 som er ei utviding av eksisterande
-
P3 ny parkeringsplass mot aust
I første byggetrinn bygg ein P1 og P2.
Servicebygg er plassert på regulert
byggeområde-bevertning. Det er her
teikna eit bygg spesielt for tomta med uregelmessig vegg mot nord, og
byggegrensa følgjer denne veggen.
Landskapshotell består av mange små hytter spreidd utover
med gjennomtenkt, koordinatbestemt plassering og med felles teikna
utforming. Kvar hytte er plassert i
høve til ein spesiell utsiktsattraksjon.
Bygging skal ikkje gje inngrep i terrenget, det skal ikkje vere
opparbeidd tilkomst til hyttene og vegetasjon skal bevarast. Området der landskapshotellet skal stå er
difor ikkje regulert til byggeområde, men til spesialområde bevaring av
landskap og vegetasjon der det står i reguleringsbestemmelsene at hytter kan
plasserast på nærare angitt koordinatfesta punkt. Plukkhogst er tillatt.
Området er vist med loddrett skravur på plankartet og med
landskapshotellet plassert med alle hyttene.
Elveløpet er regulert som naturvernområde (vassdrag), og
tilhøyrande landareal i juvet er regulert til naturvernområde (på land). Dette er vist med vassrett skravur på
plankartet.
I naturvernområdet ligg sjølve Gudbrandsjuvet, og her opnar
reguleringsbestemmelsene for tiltak. Det
blir bygt stier frå parkeringsplass P2 ned til kollen ved juvet, og kring
kollen blir det etablert ein krage av stål for gangtrafikk. Vidare er det bru over juvet til
servicebygget. Alt dette blir bygt
etter det som i arkitektur-terminologi heiter ”å legge til”, dvs det er
reversible tiltak som ikkje gjer grunnleggande endringar og inngrep i
terrenget.
Det er og lagt inn ny campingplass på 19/1. For denne må det lagast eigne
reguleringsbestemmelser seinare.
Riksveg er regulert til offentleg veg, men ikkje alt areal
som vegvesenet eig er regulert til vegføremål.
Olavsvegen er regulert som kulturminne innanfor
bestemmelsene i kulturminnelova.
Alt øvrig areal er regulert til landbruk.
Saksvurdering og konklusjon:
Tilhøvet til gjeldande arealdel til kommuneplanen
Det meste av arealet er i gjeldande kommuneplan sett av som
LNF-område, og eit areal kring tuna på Alstad er sett av med høve til spreidd
bebyggelse. Dette siste er ikkje
vidareført i reguleringsplanforslaget.
Det måtte i så fall settast av som eige byggeområde for bustad. Det er ikkje gjort, mest fordi ein ikkje ser
noko område som spesielt peikar seg ut som bustadareal i høve til det
øvrige. I kommuneplanen er det sett av
eit stort hytteområde mot sørvest og eit anna hytteområde mot aust. Avgrensing av reguleringsplanen skal følgje
yttergrensa av desse områda.
Vurdering
Utarbeiding av planen har skjedd i kontakt med grunneigarane
og fylkesstyresmaktene. Planforslaget
tek mykje opp i seg det som kom som merknader ved førehandskunngjering. Ein ser ikkje konflikt i den arealbruken som
er lagt fram i planforslaget.
Planforslaget blir fremma som offentleg plansak.
