NORDDAL KOMMUNE

Arkiv: C52 Saksmappe: 05/00411-16 Sakshandsamar: Aud Lindis Ødegaard Dato: 16.02.2006

Møtebok

Paktarstova - prestegarden

Saksnr. utval	Utval	Møtedato
016/06	Driftsutvalet	06.03.06
017/06	Kommunestyret	30.03.06

Utsendte saksdokument:

Utkast til skisseprosjekt

Ikkje utsendte saksdokument:

Rådmannen si innstilling:

1. Arbeidsgruppa held fram som interimstyre for Paktarstova inntil ein har funne eigna driftsform.

2. Arbeidsgruppa knyt til seg aktuelle ressurspersonar i det vidare arbeidet.

3. Ein arbeider vidare for å få kunne ta i bruk heile prestegardstunet med påståande bygningar.

-----------------------------------------------------

Handsaming i Driftsutvalet 06.03.06:

Samrøystes i samsvar med innstillinga.

--------------------------------Dette er slutten på behandlingsteksten (denne teksten skrives ikke ut)------------------------------------------------

Innstilling i Driftsutvalet - 06.03.06:

1. Arbeidsgruppa held fram som interimstyre for Paktarstova inntil ein har funne eigna driftsform.

2. Arbeidsgruppa knyt til seg aktuelle ressurspersonar i det vidare arbeidet.

3. Ein arbeider vidare for å få kunne ta i bruk heile prestegardstunet med påståande bygningar.

----------------------------------------------------------------------------

Handsaming i Kommunestyret 30.03.06:

Ordføraren sette fram forslag om endring frå prestegardstunet til prestegarden i

pkt. 3.

Røysting:

Samrøystes i samsvar med innstillinga og med ordføraren sitt endringsforslag i pkt. 3.

--------------------------------Dette er slutten på behandlingsteksten (denne teksten skrives ikke ut)------------------------------------------------

Vedtak i Kommunestyret - 30.03.06:

1. Arbeidsgruppa held fram som interimstyre for Paktarstova inntil ein har funne eigna driftsform.

2. Arbeidsgruppa knyt til seg aktuelle ressurspersonar i det vidare arbeidet.

3. Ein arbeider vidare for å få kunne ta i bruk heile prestegarden med påståande bygningar.

----------------------------------------------------------------------------

Saksgrunnlag:

Driftsutvalet sette ned ei arbeidsgruppe i møte 29.08.05 som skulle arbeide fram alternative satsingsområde, finne eigna driftsform og lage framdriftsplan for vedlikehald av bygningsmassen kommunen eig på Prestegarden.

Saksopplysningar:

Arbeidsgruppa har bestått av: Jostein Sande, Petter Melchior, Unni Bjørnstad, Alfred Nilsen, Idar Rønneberg og Aud Lindis Ødegaard. I tillegg har desse delteke på einskilde møter: Per Grimstad, Torill Callsen, Christ Allan Sylte og Kathrin Blomvik.

Saksvurdering og konklusjon:

Ein har laga eit skisseprosjekt for vegen vidare. Arbeidsgruppa bør halde fram som interimstyre inntil ein har funne eigna driftsform.

I denne prosessen har det kome til at plassen kan verte eit flott informasjonsknytepunkt knytt til verdsarven opp, jfr. høyringsutkastet som kommunestyret vedtok i samband med forvaltningsplanen for området. Planprosessen må følgjast opp for å kunne sikre at høyringsuttalen vert teke til følgje. Paktarstova og tunet peikar seg ut som eit naturleg knytepunkt for mange element.

I tillegg er det teke kontakt med Den norske kyrkja v/bispekontoret i Molde for å finne ut om dei ønskjer å vere medspelar for å synleggjere tradisjonar og kulturminne i lag med liv og lagnad i fjordbygdene. Dette blir handsama i Fellesrådet i Norddal i byrjinga av mars. Greier ein å få til ei kreativ kopling her kan ein kanskje få dei til å behalde eigarskapet i hovedbygningen, og ein kan tenkje tunet som ei eining likevel. Det ville då vere ein ide å få nokon til å bo i huset som kunne fungere som ein tunvert.

Det har kome fram ønskje om at kommunen skal få hand om heile tunet, inkludert hovudbygningen. Då vil ein ha meir areal til dei ulike elementa, og ein vil kunne utnytte tunet på ein annan måte. Skal dette bli ein realitet må ein anten få til ein langsiktig leigeavtale, eller kjøpe hovudbygningen. Det har ikkje vore teke kontakt med Opplysningsvesenets Fond (OF) som er huseigar, då administrasjonen treng signal på om dette er ein ønskjeleg veg å gå. Det er no byggje- og deleforbod på garden, og ein ny reguleringsplan er på trappene. Ønskjer kommunen å signalisere eit slikt ønskje vil det vere eit nytt alternativ i høve til dei som no er skissert. (OF) ønskjer å dele opp eigedomen og selje han til marknadspris. Kommunen ønskjer at eigedomen framleis skal vere ein landbrukseigedom. Eit tredje alternativ vil altså vere å regulere tunet til kultur- og næringsføremål. Ein har ikkje oversikt over investerings- eller driftskostnader ved å gjere eit slikt grep. Ein håper å få til aktivitet som dreg med seg midlar, men dette er enno uavklart.

Alternativet er å utnytte det kommunen allereie eig maksimalt. Rehabiliteringa av Paktarstova må no kome i gang att, og fylkeskonservatoren er i gang med å justere statusrapport samt kome med forslag til prioritert framdrift. Løa er også ei bygning med utviklingspotensiale. Her er ikkje sanitæranlegg.

Stig Holmstrøm

rådmann