|
|
NORDDAL KOMMUNE |
Arkiv: K40
Saksmappe: 07/00026-2
Sakshandsamar: Inge Lilleås Dato: 09.02.07 |
Søknad om tilskot -
viltfondet
|
Utval |
Møtedato |
|
|
Viltnemnda |
15.02.07 |
Utsendte saksdokument:
Søknad datert 08.01.07
E-post datert 09.01.07
Ikkje utsendte
saksdokument:
Norddal kommune yter eit tilskot på kr.7600,-.til Tore Chr. Michaelsen for arbeid med kartlegging av hjorteskadar i Muldalslia naturreservat.
Utgifta vert dekka av det kommunale viltfondet.
Norddal kommune yter eit tilskot på kr.7600,-.til Tore Chr. Michaelsen for arbeid med kartlegging av hjorteskadar i Muldalslia naturreservat.
Utgifta vert dekka av det kommunale viltfondet.
SAKSGRUNNLAG.
Søknad datert 08.01.07. frå Tore Chr. Michaelsen.
Søknadssum kr. 7600,-.
SAKSOPPLYSNING.
Søknaden er stila til tre kommunar, når det gjeld Norddal så femner søknaden, eller arbeidet, om å kartlegge beiteskader av hjort i Muldalslia naturreservat.
Grunneigarar her er gardane 36 Muldal og 37 Tafjord.
Norddal kommune har før gjeve tilskot til Planteforsk seinare Bioforsk i 2004 og 2006 med i alt kr. 6000,-. Denne forskinga går meir på generelle beiteskader av hjort på grasmark, kulturvokstrar og skog. Forskinga her gjev ikkje svar på dei skadar som hjorten eventuelt gjer i Muldalslia.
Søkjaren er godt kjent av viltnemnda og så vidt ein kan vurdere ein solid fagmann.
Søknaden synes å vere godt gjennomarbeidd, dei faglege metodikkane som er vist til finn ein grunna manglande kompetanse ikkje å kommentere.
Viltfondet kan brukast til det føremål som er søkt om.
Det er og mogeleg å søkje Fylkesmannen om tilskot til prosjektet.
SAKSVURDERING.
Dersom dette var forsking på generelle beiteskader som Bioforsk arbeider med ville saksførebuar innstille på å avslå søknaden.
For både kommunen og ålmenta elles kan det nok vere interessant å få kartlagt dei skadar som er i Muldalslia.
I søknaden er det nemnt ein del om svakheitar i dagens forvaltningssystem, men på kva måte ein kan betre det er ukjent.
Og det er i denne samanheng kommunen lite kan gjere, felling av hjort i Norddal har vore relativ sett låg med fellingsprosent siste åra på rundt 50. Hjortestamma har auka, grunnane kan vere fleire, men det er ikkje kommunen si skuld at lite hjort vert felt.
Skulle det syne seg at skadane er store og reduksjon av hjortestamme er nødvendig vil ein støyte på eit problem eller ei utfordring, nettopp utifrå slik vurdering. For hjorten er selektiv når det gjeld mat og leitar i det beste. Til fleire hjortar til meir samlar seg og skadepresset aukar.
Grunneigarane i Tafjord er klar over beitepresset i Muldalslia for i eit planutkast til bestandsplan i hjorteforvaltning for Tafjord vert det vist til mykje gnag på skogen her ,og at bestanden er for stor. Men når det i same plan vert gjeve ros til valda for siste åra å ha teke ut berre 34,6% av tildelte løyver finn ein lite logikk i dette.
|
Stig Holmstrøm |
|
|
rådmann |
|
|
|
|
|
|
|
