Møtebok
Frådeling av hyttetomt
Hauane i Fjørå - Disp.
frå krav om regulering
|
Saksnr.
utval
|
Utval
|
Møtedato
|
|
060/07
|
Det faste utvalet for plansaker
|
17.12.07
|
Utsendte saksdokument:
Kartutsnitt, M=1:500, forslag til tomtedelingsplan
Ikkje utsendte
saksdokument:
Søknad dat. 25.09.07 om frådeling av hyttetomt (skjema)
Kvittering for nabovarsel av 15.08.07
Brev dat. 07.06.06 frå Statens vegvesen vedk. avkøyrsle
Kommunestyresak 021/06, møte 30.03.06
I medhald av § 7 i Plan- og bygningslova vert det gjeve
dispensasjon frå plankravet i gjeldande kommuneplan, arealdelen, for å kunne
dele frå ei hyttetomt på om lag 1 daa. på Hyseneset, gnr. 31, bnr. 5, i samsvar
med søknad dat. 25.09.07 og kartutsnitt for tomt nr. 4 i forslag til
tomtedelingsplan.
Saksgrunnlag:
Kommunestyret handsama i sak 021/06 klage på vedtaket i sak
07/06 i Det faste utvalet for plansaker. Saka var om område Hyseneset i
arealdelen av kommuneplanen med endra utnytting frå bustad-område til område
for fritidshus, der planutvalet fatta vedtak om å vurdere bruken av arealet ved
rullering av arealdelen til kommuneplanen.
Kommunestyret gjorde slik vedtak i sak 021/06:
Kommunestyret ber Det faste utvalet for plansaker om å fremme
reguleringsplan for hytteområde på B2 Hyseneset, ved privat forslag om slik
reguleringsplan frå søkjar Ove-Vegard Selboskar.
Det å få til ei avkøyrsle for området til fylkesvegen (Fv
92) som Statens vegvesen kan akseptere var
arbeidd med også då arealet var avsett til bustadføremål, men dette har
for hytteområdet sin del ikkje fått si løysing. Dette er ei av årsakene til at
det ikkje er fremma noko forslag til reguleringsplan for hytteområdet.
Søknaden av 25.09.07 frå Ove-Vegard Selboskar gjeld å dele
frå ein hyttetomt på om lag 1 daa, tomt nr. 4 i forslag til tomtedelingsplan
for Hyseneset; jfr. saksvedlegg.
Saksopplysningar:
Eigar er komen til at det i den næraste tid berre er aktuelt
med ein av desse hyttetomtene og søkjer om å kunne dele frå utan at det vert
teke arbeidet/kostnadane med å utarbeide vidare med reguleringsplan no.
Frå hovudregelen om at eit byggeområde skal vere regulert,
før deling og bygging, kan det gjerast unntak ved dispensasjon frå kravet om
reguleringsplan; dispensasjonen kan gjevast etter § 7 i PBL.
Kravet til å kunne gje dispensasjon er at det føreligg særlege grunnar.
Tidlegare har det vore praksis å kunne gje dispensasjon for
ei tomt i eit avsett område (inntil to tomter i eit større område), når tomten
ligg i utkanten og slik at den med visse ikkje kan skape vanskar for seinare
gjennomføring av reguleringsplan (vegframføring, bygningsplassering, evt. avløp
m.v.)
På nabovarsel føreligg ikkje merknader.
Saksvurdering og konklusjon:
Søknaden som ligg føre for å dele frå ei hyttetomt på om lag
1 daa. frå gnr. 31/5, kan ikkje handsamast som delingssak etter PBL
før det ligg føre reguleringsplan eller dispensasjon frå kravet om regulering.
I denne saka gjeld det ein tomt heilt i ytterkanten (nord)
av hytteområdet. Denne tomten kan, slik vi ser det, ikkje skape vanskar for
seinare utarbeiding av reguleringsplan for området.
Tilkomst til hytta vert frå tunet til gnr. 31/5 med
gangtilkomst over eksisterande traktorveg.
Under noko tvil vel ein i denne saka å vere positiv i
tilrådinga om dispensasjon frå plankravet.
Praksis i liknande saker har vore at ein ser på dette som
ein særleg grunn, og at forholda for å kunne gje dispensasjon etter § 7 i PBL
såleis ligg føre i denne saka.
Når forholda til krav om regulering er avklara ved eventuell
dispensasjon kan sjølve søknaden om å dele frå handsamast på vanleg måte etter
§ 93 i PBL.
