Rådmannen si innstilling:
Norddal kommune viser til konsesjonslova og gir Bjørn Johan
Dorais Storås konsesjon for kjøp av gnr. 56 bnr. 1. I samband med
konsesjonstildelinga vert det sett som vilkår at søkjaren innan 1 år etter
overtakinga tilflytter og driv eigedomen samanhengande i minst 5 år.
Det er ingen merknader til kjøpesummen.
Norddal kommune viser til konsesjonslova og gir Bjørn Johan
Dorais Storås konsesjon for kjøp av gnr. 56 bnr. 1. I samband med
konsesjonstildelinga vert det sett som vilkår at søkjaren innan 1 år etter
overtakinga tilflytter og driv eigedomen samanhengande i minst 5 år.
Det er ingen merknader til kjøpesummen.
Saksgrunnlag:
Bjørn Johan Dorais Storås søkjer om konsesjon for kjøp av
gnr. 56 bnr. 1 på Storåsen i Eidsdal. Kjøpesummen er fastsett til kr 700.000,-.
Seljar er Asgeir Storås.
Saksopplysningar:
Eigedomen ligg på Storås ca 500 m over havet. Driftsbygninga
er ubrukeleg for dyrehald og dyrkamarka vert bortleigd til naboen Kåre Storås.
Eigedomen har 2 våningshus der det eine er frå 1973 og det andre frå 1923.
Desse bygningane er i middels god stand. Bruket har også sommarfjøs,
taubanehus, kvernhus og ¼ tørkehus.
Eigedomen har denne arealfordelinga:
Fulldyrka jord: 20,2 daa
Innmarksbeite 14.7 daa
Skog 55,2 daa
Anna mark 82,6 daa
SUM 172,7
daa
I søknaden går det fram at planane for vidare drift av
eigedomen er å nytte våningshuset til bustad og elles drive eigedomen saman med
gnr. 56 bnr. 3. Søkjaren tek for tida agronomutdanning.
Saksvurdering og konklusjon:
I samband med søknad om konsesjon er det pris på eigedomen
og søkjaren sine planar for eigedomen som skal vurderast. Verken kommunen eller
Staten har lenger forkjøpsrett i samband med ei konsesjonshandsaming. Ein kan
sette vilkår i samband med ein konsesjonssøknad.
Sidan dette er ein landbrukseigedom, vil det vere naturleg å
sette vilkår om bu- og driveplikt. Når det gjeld driveplikta, er det
tilstrekkeleg at det vert lagt fram ein 10 års leigeavtale for dyrkamarka med
eit anna bruk i området. Buplikta er personleg, men ein har den siste tida også
akseptert bortleige av våningshus som ei god ivaretaking av buplikta.
I denne konkrete saka er det ingen merknader til prisen og
framtidige planar for drift og busetting er godt ivaretekne. Det vil vere
riktig at konsesjon blir gitt på vilkår av at søkjarenn innan 1 år frå
overtakinga tilflytter eigedomen og driv den i minst 5 år. Dette er dei same
vilkåra ein set i samband med odelsovertaking av ein landbrukseigedom.
