NORDDAL KOMMUNE

Arkiv: L12

Saksmappe: 06/00572-10

Dato: 19.01.20077

Møtebok

Saksnr. utval	Utval	Møtedato
003/07	Det faste utvalet for plansaker	15.01.07
008/07	Kommunestyret	07.02.07

Utsendte saksdokument:

Fråsegn, motsegn, dat. 10.11.06 frå Møre og Romsdal fylke

Uttale av 30.10.06 frå Statens vegvesen

Brev av 01.12.06 frå Ruset-Moland til Møre og Romsdal fylke

Brev av 01.12.06 frå Ruset-Moland til Norddal kommune

Mail frå fylkesmannen dagsett 04.12.06

Revidert planframlegg, Ruset hytteområde, felt 1

Reviderte reguleringsføresegner, Ruset hytteområde, felt 1

Ikkje utsendte saksdokument:

Planframlegg, Ruset hytteområde, felt 1

Reguleringsføresegner, Ruset hytteområde, felt 1

Statens strålevern Rapport 2005:8

Sak 060/06 i Det faste utvalet for plansaker

Kunngjering- varsel om igangsett regulering

Brev av 18.10.06 til partane med uttalefrist 18.11.06

Møre og Romsdal fylke, fråsegn dat. 29.08.06

Sak 081/05 i Det faste utvalet for plansaker

Saksgrunnlag:

Det faste utvalet for plansaker gjorde på sitt møte 16.10.06 i sak 060/06 slikt vedtak:

Det faste utvalet for plansaker har vurdert forslag til reguleringsplan for ”Ruset hytteområde, felt 1”, gnr. 30, bnr. 1, og vil fremme forslaget som offentleg plansak.

I samsvar med § 27-1 i Plan- og bygningslova vedtek Det faste utvalet for plansaker å legge forslaget til reguleringsplan for ”Ruset hytteområde, felt 1” ut til offentleg ettersyn i 30 dagar (18.10.-18.11.06) i samsvar med kart og føresegner dagsett 04.10.2006.

Det ligg føre to merknader i saka; frå Møre og Romsdal fylke og Statens vegvesen; jfr. vedlegg.

Saksopplysningar:

Merknad Møre og Romsdal fylke.

Fylket viser til Statens strålevern sin Rapport 8:2005:”Forvaltningsstrategi om magnetfelt og helse ved høyspentanlegg”, og har reist motsegn til planen inntil den er justert. I strålevernet sin rapport blir det rådd til ein byggeavstand på 25 m frå ei 132 kV line (frå ytste fase), og 7 m frå ein 22 kV line ved bygging av nye bustader. Avstanden er gjeve som horisontal avstand frå næraste line.

Merknad Statens vegvesen.

Vegvesenet peikar på at parkeringsplass og avkøyrsla ikkje før gå heilt i kvarandre slik at det vert utkøyring på ”brei front” frå parkeringsplassen, men stramma opp slik at avkøyrsla er eintydig. Sjølv om avkøyrsla er til kommunal veg, synest vegvesenet likevel det er greitt å gje synspunkt på planframlegget.

Saksvurdering og konklusjon:

I høve til Fylket sin merknad/motsegn dat. 29.08.06 er framlegget til reguleringsplan endra (revidert 04.01.07) i samsvar med fylket sin merknad; med byggeavstand på 25 m frå 132 kV line (ytste fase), og 7 m frå 22 kV line målt horisontalt; jfr. vedlagte reviderte reguleringsplankart og føresegner.

Det må vere lov å gje uttrykk for at i Statens strålevern sin rapport 2005:8 går det fram at strålinga frå kraftliner minkar i takt med avstanden frå lina; altså i vil ein i områder der lina går høgt i terrenget ha ”noko å gå på” så lenge det vert målt berre horisontal byggeavstand.

Når det gjeld Statens vegvesen sin merknad om utkøyring frå parkeringsplassen til den kommunale vegen, er dette i praksis lagt inn som føresetnad ved opparbeiding i samsvar med reguleringsplanen.

Planframlegget med føresegner kan oversendast kommunestyret for vedtak.

Stig Holmstrøm
rådmann