Møtebok
Deling av grunneigedom gnr
64, bnr 6 - Dispensasjon - Lars Kjetil
Indreeide
|
Saksnr.
utval
|
Utval
|
Møtedato
|
|
004/07
|
Det faste utvalet for plansaker
|
15.01.07
|
Utsendte saksdokument:
Fråsegn dat. 29.11.06 frå Møre og Romsdal fylke
Uttale av 22.11.06 frå Statens vegvesen
Merknad dagsett 28.11.06 frå Harald Indreeide
Ikkje utsendte
saksdokument:
Kvittering for nabovarsel
Gjeldande kommuneplan, arealdelen, 2002-2013
Gamle kommuneplan, arealdelen, 1996-2007
Avtale mellom eigarane av gnr. 64/2 og gnr. 64/4 av 05.02.04
Fylkeslandbruksstyre, sak 24/02
Rådmannen si innstilling:
I medhald av § 7 i PBL gjev Det faste utvalet for plansaker
dispensasjon frå arealbruk fastsett i kommuneplanen, arealdelen, for
eksisterande hytte med tomt (om lag 800 m2) under gnr. 64, bnr. 6 på
Indreeide, i samsvar med søknad dat.
22.06.04.
Vidare gjev utvalet i medhald av § 7 i PBL dispensasjon frå
kravet om utarbeiding av reguleringsplan for å kunne dele frå den eksisterande
hytta med tomt på gnr. 64, bnr. 6 som søkt om.
Det resterande arealet, som er førehandsvurdert areal for
tre hyttetomter, må gjennom prosessen med reguleringsplan mellom anna avklare i
detalj forholda omkring rassikring av området og tilkyting til riksvegen.
-----------------------------------------------------
Handsaming i Det faste utvalet for plansaker 15.01.07:
Forslag frå Signe Brenna, Nl:
1.
Som 1. avsnitt i innstillinga
2.
Det resterande arealet for 3 hyttetomter vert vurdert i
samband med aralplanprosessen.
Røysting:
1.
avsnitt samrøystes vedteke i samsvar med innstillinga.
2.
avsnitt vart vedteke i samsvar med innstillinga med 6 mot 1
røyst
Mindretalet røysta for Signe Brenna sitt forslag.
--------------------------------Dette er slutten på
behandlingsteksten (denne teksten skrives ikke ut)------------------------------------------------
I medhald av § 7 i PBL gjev Det faste utvalet for plansaker
dispensasjon frå arealbruk fastsett i kommuneplanen, arealdelen, for
eksisterande hytte med tomt (om lag 800 m2) under gnr. 64, bnr. 6 på Indreeide, i samsvar med søknad dat. 22.06.04.
Vidare gjev utvalet i medhald av § 7 i PBL dispensasjon frå
kravet om utarbeiding av reguleringsplan for å kunne dele frå den eksisterande
hytta med tomt på gnr. 64, bnr. 6 som søkt om.
Det resterande arealet, som er førehandsvurdert areal for
tre hyttetomter, må gjennom prosessen med reguleringsplan mellom anna avklare i
detalj forholda omkring rassikring av området og tilkyting til riksvegen.
----------------------------------------------------------------------------
Saksgrunnlag:
Det faste utvalet gjorde på sitt møte den 16.10.06 i sak
062/06 slikt vedtak:
Det faste utvalet for plansaker har førehandsvurdert areal
for tre hyttetomter og har vidare til hensikt å gje dispensasjon frå
kommuneplanen, arealdelen, slik at eksisterande hytte med tomt under gnr. 64,
bnr. 6 på Indreeide, vert godkjent i samsvar med søknad dat. 22.06.04.
På vanleg måte vart
partane gjort kjent med utvalet sitt vedtak i sak 062/06 (brev av 02.11.06) og
det var sett ein frist for merknader til 01.12.06.
Det ligg føre tre
merknader i saka.
Saksopplysningar:
Merknad frå Møre og Romsdal fylke.
Landbruksfagleg finn fylket å rå frå at det vert gjeve
dispensasjon, medan planfagleg er det ingen spesielle merknader til å gje
dispensasjon for eksisterande hytte.
Fylket konkluderar med etter ei samla vurdering at eit
eventuelt vedtak om dispensasjon ikkje vil verte påklaga.
Merknad frå Statens vegvesen.
Vegvesenet har ikkje merknader til at det vert gjeve
dispensasjon i denne saka. Vegvesenet føreset at det vert sendt ei
oppstartsmelding for reguleringa der det tydelig går fram kva for tilknyting
til riksvegen som er tenkt nytta.
Merknad frå Harald Indreeide.
Saksvurdering og konklusjon:
Merknaden frå fylket konkluderar med at dei ikkje vil påklage
eit vedtak om dispensasjon i denne saka. Når ein veit at dette område tidlegare
har vore vedteke til areal for hytter i kommunen sin arealdel av kommuneplanen,
finn ein det litt underleg at for den hytta som har stått der i 45 år reint landbruksfagleg ikkje kan tilrådast.
Når det gjeld
Statens vegvesen vert det føresett i fråsegna at ved reguleringa av
tomtene for dei nye hyttene i område vert sendt oppstartmelding og at det vert
gjort heilt klart kva for tilknyting som er planlagt for riksvegen.
Merknaden frå Harald Indreeide må ein oppfatte mest som eit
innspel til arbeidet med reguleringsplan for dei nye hyttene. Plassering av
rasvoll vil vert eit viktig element i denne reguleringa og merknaden må takast
med i denne prosessen.
Frå næringssjefen ligg føre i saka følgjande landbruksfagleg
vurdering etter Jordlova:
Det aktuelle området
var i den gamle arealdelplanen avsett til hytteområde. Kvifor dette arealet i
gjeldande plan no har blitt LNF- område er uklart.
Når det gjeld
eksisterande hytte, vil det vere heilt naturleg å gi delingsløyve for denne
eine hytta.
Ei frådeling her er
eigentleg ei opprydding av noko som skulle ha vore ordna tidlegare. Bruken av
området vil bli uendra etter frådelinga.
Dei 3 andre
hytteparsellane som vert omfatta av denne søknaden, ligg også innanfor eit
område som i tidlegare planar var utlagt til hytteområde. Utarbeiding av ein
reguleringsplan for dette området vil vere heilt naturleg og nødvendig for å få
best mogleg utnytting og framtidig utvikling av dette området. Næringssjefen
vil tilrå at det kan settast i gang med regulering av det aktuelle området.
I denne saka rår ein etter ei samla vurdering til at Det
faste utvalet for plansaker kan gje dispensasjon frå gjeldande kommuneplan,
arealdelen, for den eksisterande hytta med tomt (800 m2) og at det resterande
arealet for tre tomter er førehandsvurdert til at det kan avsettast som
hytteområde i samsvar med den ”gamle” arealplanen.
Vidare rår ein til at det kan gjevast dispensasjon frå
kravet om utarbeiding av reguleringsplan
for å kunne dele frå den eksisterande hytta med høveleg tomt (ca 800
m2).
