Møtebok
Dispensasjon frå gjeldande
reguleringsplan - Eidsdal sentrum
|
Saksnr.
utval
|
Utval
|
Møtedato
|
|
059/07
|
Det faste utvalet for plansaker
|
17.12.07
|
Utsendte saksdokument:
Søknad frå Ytterdal Møbelfabrikk dat. 15.10.07
Utsnitt av reguleringsplankart Eidsdal Sentrum
Gjeldande reguleringsføresegner
Ikkje utsendte
saksdokument:
Gjenpart av nabovarsel datert 29.09.07, 09.10.07
Vedlegg til nabovarsel frå brukarane på Ytterdal dagsett
29.09.07
Kopi av brev dat. 24.10.07 frå Fylkesmannen til kommunal- og
regionaldep.
Norddal kommune ser positivt på at industrieigedomar i
Eidsdal Sentrum kan verte nytta til bustad- og næringsføremål og vil arbeide
for at dette kan gjennomførast.
Det faste utvalet for plansaker har til hensikt å gje
dispensasjon frå reguleringsplanen Eidsdal Sentrum i samsvar med søknad dagsett
15.10.07 frå Ytterdal Møbelfabrikk.
Saksgrunnlag:
Søknaden frå noverande eigarar av Ytterdal Møbelfabrikk
v/Ottar Storås om dispensasjon frå gjeldande reguleringsplan er dagsett
15.10.07 og har grunnlag i at det kan vere interessentar som kanskje vil overta
eigedomen, gnr. 73, bnr. 48, 68, med påståande fabrikkbygning og ominnreie
denne til bustad/næring; jfr. vedlegg i saka.
Fabrikkeigedomen har fire eigarar der eigarane har litt
ulike partsdelar.
På nabovarsel føreligg ikkje merknader.
Saksopplysningar:
Området søknaden om dispensasjon gjeld er i
reguleringsplanen Eidsdal Sentrum vedteken i 1984
regulert til industri/bustad og føresegnene til planen har slik
ordlyd i § 3 d.:
Området skal primært vere for industri. For området nord for
fylkesvegen kan husvære innreiast i 2. etasje av bygga. Skal det vere husvære i
2. etasje, må det vere slik industriverksemd i bygget som lar seg kombinere med
dette.
Saksvurdering og konklusjon:
Søknaden av 15.10.07 frå eigarane av det som tidlegare var
møbelfabrikk oppfattar ein slik at det no er bustader som vil vere det primære
i bygninga i 2. og 3. etasje og med næringsareal/forretningsareal i 1. etasje.
I mange år no har det ikkje vore noko møbelproduksjon i
lokala og det synest naturleg at det vert sett på mogelegheitene for alternativ
bruk av eigedomen.
Reguleringsplanen er frå 1984 og er såleis relativ gamal. I
nye reguleringsplanar er det mindre vanleg å nytte sentrumsareal til
industriføremål.
Ein kan vel uttrykke at både området syd for fylkesvegen som
er regulert til industri og området nord for vegen som er avsett til kombinert
industri/bustad, burde ideelt sett hatt ein prosess med eventuell omregulering
før ein tok stilling i denne saka.
Ein ser imidlertid det slik at om ein rår til at det vert
gjeve dispensasjon i denne saka i samsvar med søknaden, vil det ikkje skape
vanskar for ein eventuell seinare omregulering av området.
Ved dispensasjon har ein ikkje endra status i
reguleringsplanen, slik at dersom bygninga ved brann, flodbølgje ol. vert om
inkje, må det evt. gjevast ny dispensasjon dersom det skal førast opp anna enn
fastsett i reguleringsplanen.
Når det gjeld problematikken omkring flodbølgje i dei
fjordnære områda langs Storfjorden ligg det føre kopi av brev dagsett 24.10.07
frå Fylkesmannen til KRD og her er Eidsdal oppsett med ei estimert
oppskyllingshøgde på 4-6 m. Gjeldande eigedom gnr. 73, bnr 48, 68 ligg innanfor
denne høgda.
Både Fylkesmannen og kommune her i indre Storfjorden øver
eit sterkt press på overordna statleg myndigheit for å løyse denne
problematikken omkring flodbølgje.
Det er forventa at desse spørsmåla får sitt svar/løysing i
løpet av første halvdel av 2008, men dette er usikkert då det er staten som sit
med nøkkelen her.
Ein ser det slik i denne situasjon at utvalet kan råast til
å gjere vedtak om å ha til hensikt å gje dispensasjon frå reguleringsplanen
slik det er søkt om. Saka vert vidare å sende på høyring på vanleg måte, før
utvalet eventuelt gjev dispensasjon frå planen.
Det synest heilt klart at eit nytt tiltak som gjeld bustader
mv. i flogbøljesona ikkje kan gjevast byggeløyve/takast i bruk før ordningar i
høve tryggleiken er i samsvar med krav sett av statleg mynde.
Spørsmålet som då står att er om det er høve til å nytte
bygninga til bustad i 2. høgda (må i praksis også gjelde 3. høgda) i samsvar
med reguleringsplanen
