Handsaming i Formannskapet 03.12.2007:
Ordføraren kom med slikt forslag til pkt. 1:
Norddal formannskap ser svært positivt på arbeidet med
etablering av Noregs Friluftshøgskole.
Audun Skjervøy kom med slikt forslag til pkt.2 og 3:
Pkt.2:
Formannskapet stiller i utsikt ei løyving på kr. 162.500,-
for 2008 og eit tilsvarande beløp for 2009 i samband med arbeidet med
forprosjektet for å etablere Noregs Friluftshøgskole.
Pkt. 3:
Formannskapet ønskjer å evaluere framdrifta i prosjektet før
endeleg vedtak for 2009.
Røysting:
7 røysta for ordføraren og Audun Skjervøy sitt forslag i 3
pkt.
0 røysta for innstillinga.
- Norddal
formannskap ser svært positivt på arbeidet med etablering av Noregs
Friluftshøgskole.
- Formannskapet
stiller i utsikt ei løyving på kr. 162.500,- for 2008 og eit tilsvarande
beløp for 2009 i samband med arbeidet med forprosjektet for å etablere
Noregs Friluftshøgskole.
- Formannskapet
ønskjer å evaluere framdrifta i prosjektet før endeleg vedtak for 2009.
Saksgrunnlag:
Næringsfondstyret gjorde vedtak i saka den 11.12.06 da ein
vedtok deltaking i forprosjektet for Norges Friluftshøgskole med kr 100.000,-.
I møte den 20.08.07 tok næringsfondstyret endeleg stilling
til søknaden, og det vart løyvd eit samla tilskot for prosjektet i 2007 på kr
200.000,- under føresetnad av fullfinansiering. Fullfinansiering for 2007 er i
orden, og tilskotet er utbetalt.
Søknaden no gjeld driftsåra 2008 og 2009.
Saksopplysningar:
I tilsendt e-post går det fram at ein no er inne i ein
viktig fase for prosjektet, og at ein treng ein prosjektleiar som kan følgje
opp prosjektet 100 %. Det er også viktig at ein får gode garantiar for den
økonomiske drifta av forprosjektet. Etter samtale med Annelin Henriksen og
orientering på møte i verdsarvstyret, er satsinga til Norges Friluftshøgskole
svært omfattande og arbeidet må skje systematisk. Ein har som mål å få
innarbeidd høgskoletilbodet i statsbudsjettet for 2010 eller 2011.
Tilbakemeldingane så langt er svært positive både frå sentralt og lokalt hald.
Mange spør seg kvifor ikkje dette tilbodet har kome tidlegare.
Norges Friluftshøgskole ser for seg eit nært samarbeid med
verdsarvsenteret i Geiranger, lokalmiljøet og Stranda og Norddal kommune. Ein
vurderer no ulike lokalitetar i Norddal kommune med omsyn til etableringa i vår
region. Hovedbasen blir truleg i Hemsedal kommune i Buskerud.
Næringssjefen deltok på eit orienteringsmøte i Geiranger der
ulike sider av prosjektet vart lagt fram.
Høgskolen skal bidra til kompetanseoppbygging innan
tradisjonelle friluftsaktivitetar som ski, turguiding, fjellklatring, dykking
m.v, men i tillegg vil det også bli satsa på kompetanseoppbygging innan
gardsturisme, småskala matproduksjon og ”Inn på Tunet” aktivitetar. Fokus i dei
ulike studieretningane vil vere å ivareta det einskilde mennesket og berekraftig
utvikling.
Musikkhøgskolen, politihøgskolen m.v. er parallelle tilbod
som vi har i dag. Det vil også bli eit nært samarbeid med universitetet på Ås
(UMB).
Når det gjeld økonomi, er dei 3 aktuelle kommunane inviterte
til å delta i finansieringa av
kr 650.000,- årleg over 2 år. Midlane skal nyttast til
prosjektleiar. 50 % skal finansierast frå Hemsedal kommune og 25 % frå Stranda
kommune og 25 % frå Norddal kommune. Norddal kommune sin del blir på kr
162.500,- for kvart år.
Saksvurdering og konklusjon:
For Norddal kommune vil eit høgskoletilbod i området bety
svært mykje for arbeidsplassar, ulike aktivitetar og gode fagmiljø. Etablering
av eit høgskoletilbod i eit område med Reinheimen Nasjonalpark og
Verdsarvområdet vil ha mange positive ringverknader for vidareutvikling av nye
og etablerte næringar i regionen. Det vil også vere eit positivt tiltak for å
nå ungdom og andre grupper med omsyn til busetnad.
Ein føresetnad for at Norddal kommune engasjerer seg i dette
prosjektet må vere at både Hemsedal kommune og Stranda kommune deltek i
prosjektet slik ein føreset i søknaden.
