NORDDAL KOMMUNE

Arkiv: Q03 Saksmappe: 07/00946-3 Sakshandsamar: Yngve Hovden Dato: 30.11.2007

Møtebok

Brøytekontraktar 2008 - 2012

Saksnr. utval	Utval	Møtedato
107/07	Driftsutvalet	05.12.07
110/07	Kommunestyret	13.12.07
145/07	Formannskapet	17.12.07

Utsendte saksdokument:

Forslag til ny brøytekontrakt dat.28.11.07

Ikkje utsendte saksdokument:

Rådmannen si innstilling:

1. Kommunestyret vedtek administrasjonen sitt framlegg til ny brøytekontrakt og instruks, dat. 28.11.07, for brøyteperioden 2008 – 2012.

2. Dersom det innan kontraktsperioden oppstår tilhøve, t.d. endra marknadssituasjon e. l. som gjer det aktuelt å vurdere ei anna organisering av vintervedlikehaldet på kommunale vegar, skal administrasjonen ta dette opp med kommunestyret som eiga sak.

Handsaming i Driftsutvalet 05.12.2007:

Samrøystes i samsvar med innstillinga.

Innstilling i Driftsutvalet - 05.12.2007:

1. Kommunestyret vedtek administrasjonen sitt framlegg til ny brøytekontrakt og instruks, dat. 28.11.07, for brøyteperioden 2008 – 2012.

2. Dersom det innan kontraktsperioden oppstår tilhøve, t.d. endra marknadssituasjon e. l. som gjer det aktuelt å vurdere ei anna organisering av vintervedlikehaldet på kommunale vegar, skal administrasjonen ta dette opp med kommunestyret som eiga sak.

Handsaming i Kommunestyret 13.12.2007:

Inger Johanne Tafjord, Nl reiste spørsmål om habilitet. Ho gjekk frå under avrøystinga.

Det vart røysta over habilitetsspørsmålet:

Ho vart funne inhabil i saka – Svein Martin Remseth Andersen møtte som vara.

Linda Gjerde Myren, Nl kom med slikt forslag om eit nytt pkt. 3 til innstillinga:

Kommunestyret ønskjer ein gradvis overgong til at brøytarane eig brøyteutstyret sjølv. Dei som ønskjer ei slik ordning får tilbod om event. kjøp av kommunalt utstyr etter taksering, og eventuelle forhandlingar. Godtgjersla vert då å justere slik at den er i tråd med gjeldande normer for ekvipasjen.

Kontraktperioden blir då forlenga til 5 år, med opsjon på ytterlegare 5 år. Opsjonen er med vilkår om at brøytarane ønskjer forlenging og at kommunen har vore nøgd med utført arbeid.

Linda Gjerde Myren, Nl kom med slike endringsforslag til kontraktforslaget:

Nytt pkt. 7: Beredskapsgodtgjersla skal utbetalast pr. månad i brøytesesongen.

Nytt pkt. 11: Denne kontrakten kan seiast opp gjensidig med 6 månaders varsel. Dersom brøytaren mislegheld kontrakten eller på annan måte forsømer arbeidet sitt, kan kommunen seie opp kontrakten med 14 dagars varsel.

Nytt pkt. 12: Kontrakta skal gjelde for perioden 1. oktober – 30. mai.

Signe Brenna, Nl kom med slikt forslag:

Kommunestyret gjev formannskapet fullmakt til å vedta brøytekontraktane for 2008-2012 på møte den 17. des. 2007. Forslaga fremma av Linda Gjerde Myren, Nl i møtet følgjer saka til formannskapet.

Røysting:

Samrøystes i samsvar med Signe Brenna, Nl sitt forslag.

Vedtak i Kommunestyret - 13.12.2007:

Kommunestyret gjev formannskapet fullmakt til å vedta brøytekontraktane for 2008-2012 på møte den 17. des. 2007. Forslaga fremma av Linda Gjerde Myren, Nl i møtet følgjer saka til formannskapet.

Handsaming i Formannskapet 17.12.2007:

Linda Gjerde Myren, Nl kom med slike endringsforslag til kontraktforslaget:

Nytt pkt. 7: Beredskapsgodtgjersla skal utbetalast pr. månad i brøytesesongen.

Nytt pkt. 11: Denne kontrakten kan seiast opp gjensidig med 6 månaders varsel. Dersom brøytaren mislegheld kontrakten eller på annan måte forsømer arbeidet sitt, kan kommunen seie opp kontrakten med 14 dagars varsel.

Nytt pkt. 12: Beredskapen skal gjelde for perioden 1. oktober – 30. mai.

(Pkt 12 i kontraktforslaget vert pkt. 13).

Linda Gjerde Myren, Nl kom med slikt forslag om eit nytt pkt. 3 til innstillinga:

Kommunestyret ønskjer ein gradvis overgong til at brøytarane eig brøyteutstyret sjølv. Dei som ønskjer ei slik ordning får tilbod om event. kjøp av kommunalt utstyr etter taksering, og eventuelle forhandlingar. Godtgjersla vert då å justere slik at den er i tråd med gjeldande normer for ekvipasjen.

Kontraktperioden blir då forlenga til 5 år, med opsjon på ytterlegare 5 år. Opsjonen er med vilkår om at brøytarane ønskjer forlenging og at kommunen har vore nøgd med utført arbeid.

Det vart først røysta over Linda Gjerde Myren sine forslag til endring av kontrakten:

Nytt pkt. 7: Samrøystes i samsvar med Linda Gjerde Myren, Nl sitt forslag.

Nytt pkt. 11: Samrøystes i samsvar med Linda Gjerde Myren, Nl sitt forslag.

Nytt pkt. 12: Beredskapen skal gjelde for perioden 1. oktober – 30. mai.

(Pkt 12 i kontraktforslaget vert pkt. 13).

Det vart røysta punktvis:

Pkt.1: Samrøystes i samsvar med innstillinga og med dei endringane som vart vedtekne ovanfor.

Pkt. 2: Samrøystes i samsvar med innstillinga.

Pkt. 3: Samrøystes i samsvar med Linda Gjerde Myren, Nl sitt forslag.

Vedtak i Formannskapet - 17.12.2007:

1. Kommunestyret vedtek administrasjonen sitt framlegg til ny brøytekontrakt og instruks, dat. 28.11.07, for brøyteperioden 2008 – 2012 med dei endringane som vart vedtekne i formannskapet 17.12.07.

2. Dersom det innan kontraktsperioden oppstår tilhøve, t.d. endra marknadssituasjon e. l. som gjer det aktuelt å vurdere ei anna organisering av vintervedlikehaldet på kommunale vegar, skal administrasjonen ta dette opp med kommunestyret som eiga sak.

3. Kommunestyret ønskjer ein gradvis overgong til at brøytarane eig brøyteutstyret sjølv. Dei som ønskjer ei slik ordning får tilbod om event. kjøp av kommunalt utstyr etter taksering, og eventuelle forhandlingar. Godtgjersla vert då å justere slik at den er i tråd med gjeldande normer for ekvipasjen. Kontraktperioden blir då forlenga til 5 år, med opsjon på ytterlegare 5 år. Opsjonen er med vilkår om at brøytarane ønskjer forlenging og at kommunen har vore nøgd med utført arbeid.

Saksgrunnlag:

Brøytekontraktane for inneverande kontraktsperiode går ut 31. desember 2007.

Norddal kommune må gjere vedtak om nye kontraktar og organisering av brøytearbeidet.

Saksopplysningar:

Organisering av brøytetenesta

Norddal kommune har som dei fleste kommunane i vår region engasjert brøyteentreprenørar til vintervedlikehald av kommunale vegar og parkeringsplassar. Kommunestyret har fastsett godtgjersla til brøytarane. Fleire av brøytarane Norddal kommune har kontrakt med i dag har brøyting som ei attåtnæring til jordbruk. Dette fungerer bra også med tanke på lokalkunnskapen brøytarane har på dei ulike brøyterodande.

For nokre kommunale vegar har kommunen i dag problem med å få engasjert brøytarar.

Etter uttale frå brøytarane i siste brøytemøte kom det fram ulike årsaker som grunn for den manglande interessa for å inngå avtale om brøyting. Samanfatta vil hovudårsaka vere at det kommunale brøyteutstyret er til dels utslite, og nyinvesteringar må til for å kunne utføre eit tilfredsstillande vintervedlikehald.

Framtidig organisering

Dei brøytarane kommunen har kontrakt med ut 2007 er positive til å kjøpe eige utstyr til vintervedlikehald, men på vilkår om at godtgjersla vert justert til eit akseptabelt nivå.

Med det brøyteutstyret kommunen i dag eig må det om lag 2 mill kr. til for å få det erstatta med meir moderne og effektivt utstyr, og ikkje minst tilpassa utstyr for dei private traktorane.

Norddal kommune har i snitt om lag kr 100 000 – 150 000 i årlege utgifter til slitestål, nye delar og arbeid med vedlikehald av brøyteutstyret.

Dei brøytarane som mest treng nytt utstyr vil måtte ha utstyr til ein verdi av kr. 100 000 - 260 000. Brøytarane køyrer i gjennomsnitt 250 timar i ein ”normal” brøytesesong.

Brøyteutstyret Norddal kommune eig i dag må fornyast i nær framtid. Brøytarane som har kontrakt med kommunen og vil kjøpe eige utstyr kan få overta det kommunale brøyteutstyret dei nyttar i dag.

Det kan vere grunnlag for å heve godtgjersla for bruk av eiget brøyteutstyr, når kommunen har selt ein del av brøyteutstyret og fått redusert utgiftene til reparasjon / vedlikehald av brøyteutstyr.

Administrasjonen har samanlikna vintervedlikehald i fleire kommunar i vår region, der det vert nytta ulike ordningar. Timepris / beredskapgodtgjersle ligg om lag på same nivå som våre nabokommunar Norddal kommune har valgt å bruke Indeksreguleringa for vintervedlikehald som Statens vegvesen nyttar (3,97% for 2007-2008). Andre kommunar har brukt NTNU`s Indeks for Anleggsmaskiner (5,39% for 2007-2008).

Det er rom for mindre justeringar av timepris, og eit litt større rom for justering av godtgjersle for bruk av eige brøyteutstyr.

Norddal kommune har dei siste tre åra hatt ein nedgang i brøyteutgiftene, men ein kan ikkje rekne med same nedgangen for komande år. Eigen innsats kjem i tillegg til utgiftspostane på brøyting og utgjer årleg om lag kr. 50 000.

Oversikt over årlege utgifter til brøyting

Ansvar	Art	2004	2005	2006	2007
4201	1238	1 490 426	1 513 774	810 066	1 361 004
4201	1242	58 377	26 628	3 319	27 703
4201	1250	29 328	82 173	8 623	16 966
Sum		1 578 132	1 622 574	822 009	1 405 673

Innspel frå brøytarane

Administrasjonen har jamleg kontakt med brøytarane i brøytesesongen. Etter kvar brøytesesong har ein eit felles møte med brøytarane, der ein tar opp moment som organisering og gjennomføring av brøytinga, reiskap, prisar og det som måtte vere med på å få utføre ei best mogleg brøyteteneste.

På siste brøytemøte var det eit ynskje frå brøytarane om at kontraktsperioden vart utvida frå fire til å gjelda i fem år med opsjon på nye fem år. Opsjonen er med vilkår om at brøytaren ynskjer forlenging og kommunen har vore nøgd med utført arbeid.

Kontrakten og instruksen

I gjeldande brøytekontrakt er det ynskje om å endre på følgjande pkt:

Gjeldande pkt. 2 i instruks:

”Så langt det er mogleg, skal vegen haldast open i det tidsrommet ein føreset ålmenn ferdsel. Ved snøfall om natta skal vegen normalt vere gjennombrøyta kl. 06⁰⁰. Dersom ras, uver e. l. fører til at vegen er stengt eller at det er umogleg å utføre vanleg brøyting, skal kommunen varslast så snart som mogleg”

Administrasjonen vil endre pkt. 2. grunna ambulanse og andre utrykkingskøyretøy uhindra skal kunne ta seg fram til ei kvar tid.

Forslag til endring i instruks pkt. 2:

Så langt det er mogleg, skal vegen haldast open heile døgnet. Dersom ras, uver e. l. fører til at vegen er stengt eller at det er umogleg å utføre vanleg brøytarbeid, skal kommunen varslast så snart som råd.

Gjeldande kontraktsvilkår pkt. 1:

Brøytaren forpliktar seg til å utføre snøbrøyting, snørydding og sandstrøing på ovannemnde vegstrekning (-ar) i samsvar med vilkåra i denne kontrakten og instruksen.

Forslag til endring-tillegg i kontraktsvilkår pkt.1:

Brøytaren forpliktar seg til å utføre snøbrøyting, snørydding og sandstrøing på ovannemnde vegstrekning (-ar) i samsvar med vilkåra i denne kontrakten og instruksen.

På same strekning skal brøytar også utføre snørydding framføre grøne samledunkar for hushaldningsavfall.

Brøytestikker som vert nedkjørt eller på annan måte fjerna, er brøytaren sitt ansvar å sette opp igjen

Gjeldande kontraktsvilkår pkt. 8:

Faktura for brøyting/vedlikehaldsarbeid skal sendast til Norddal kommune seinast innan den 15. i påfølgjande månad etter at brøytearbeidet er utført.

Forslag til endring-tillegg i kontraktsvilkår pkt.8:

Faktura for brøyting/vedlikehaldsarbeid skal sendast til Norddal kommune seinast innan den 15. i påfølgjande månad etter at brøytearbeidet er utført. For utført privat brøyting med kommunalt utstyr og etter samråd med kommunen skal kommunen fakturere også desse timane.

Saksvurdering og konklusjon:

Administrasjonen ser det som ein fordel at brøyteutstyret kommunen eig i dag vert overteke av brøytarane. Kommunen brukar mykje tid og pengar på reparasjon/vedlikehald. Den som brukar utstyret bør også eige og vedlikehalde dette.

Det er rom for mindre justeringar av timeprisar, og eit litt større rom for justering av godtgjersle for bruk av eige brøyteutstyr.

Dersom situasjonen i marknaden endrar seg slik at det vert aktuelt å endre organiseringa av brøytearbeidet i Norddal, vil administrasjonen ta dette opp med kommunestyret i samsvar med gjeldande vedtak.

Administrasjonen gjer etter ei samla vurdering av brøytetenesta i Norddal framlegg om å vedta nye brøytekontrakter for perioden 2008 – 2012, dat. 28.11.07

Stig Holmstrøm

rådmann