Møtebok
Delplan idrett og fysisk
aktivitet
|
Saksnr.
utval
|
Utval
|
Møtedato
|
|
098/06
|
Driftsutvalet
|
04.12.06
|
|
075/06
|
Det faste utvalet for plansaker
|
11.12.06
|
|
091/06
|
Kommunestyret
|
14.12.06
|
Utsendte saksdokument:
Delplan for idrett og fysisk aktivitet
Brev frå interessegruppa for Turveg i Lingestranda, datert
27.11.06
Ikkje utsendte
saksdokument:
Uttale frå Norddal Idrettsråd, datert 27.11.06
Kommentar frå Valldal Trialklubb, datert 24.10.06
Uttale frå Møre og Romsdal Fylke, datert 17.11.106
Uttale frå Eidsdal idrettslag, datert 29.11.06
Uttale frå Eidsdal bygdeutval, datert 30.11.06
Saksgrunnlag:
Kommunestyret vedtok i k.sak 75/05 og k.sak 37/06 om at
delplanen skulle rullerast på nytt i løpet av 2006. Eine vedtaket vart gjort då
planen vart vedteken i kommunestyret før jul, og det andre kom i samband med
Nasjonal turistveg sitt prosjekt på Gudbrandsjuvet.
Saksopplysningar:
Planen har vore lagt ut til offentleg ettersyn i perioden
25. oktober til 27. november. Det har kome inn fire merknader til
planforslaget:
Valldal Trialklubb
Dei skriv i epost datert 24.10.06 at dei ønskjer trialbana
flytta opp frå uprioritert langsiktig plan. Dei ønskjer også tilbakemelding på
korleis arbeidet med trialarbeidet går.
Vurdering:
Dei har fått svar på mail om at det er uproblematisk å
flytte over tiltaket på prioritert liste. Når det gjeld arbeidet med å finne ny
lokalisering til trialbana så skjer dette gjennom arbeidet med arealdelen til
kommuneplanen som no er under oppstarting.
Norddal idrettsråd
Gudbrandsjuvet
Idrettsrådet stiller spørsmål om tiltaka på Gudbrandsjuvet
knytt til sti- og utkikspunkt samt toalett. Skal desse vere med i
handlingsplanen – korleis har dei kome med?
Vurdering:
Nasjonal turistveg har oppfordra kommunen til å innarbeide
Gudbrandsjuvplanane i planen for å kunne søkje om spelemidlar. Kommunestyret
gjorde i k.sak 37/06 vedtak om at arbeidet med rullering skulle starte opp.
Planane er tekne inn i handlingsdelen, og ein har førehandsgodkjent planane.
Idrettsrådet er kritiske til at slike tiltak blir innarbeidd i planen, og
konkurrerer med midlar som det frivillige organisasjonslivet er avhengig av for
å kunne drive og utvikle si verksemd.
Ein føresetnad for at tiltaka skal stå i planen må vere at
tiltaka ikkje konkurrerer med dei lokale midlane som vert avsett til dette
føremålet (kr 150.000 per år). Når det gjeld prioriteringslista for øvrig så er
det klart at tiltaka som får høgst prioritet frå kommunen er dei som får først
spelemidlar.
Nærmiljøanlegg
Idrettsrådet peiker på at klatrevegg til nærmiljøanlegget i
Norddal bør førast opp på prioritert plass nr. 2. Anlegget bør kome på plass då
dette var inne i dei opprinnelege planane for nærmiljøanlegget.
Vurdering:
Nærmiljøanlegget vart eit dyrt anlegg. Stadige justeringar
enda opp med ein kommunal kostnad på om lag 620.000 kroner. Avtalen var at
idrettslaget skulle gå inn med 140.000 kr. Dei har helde tilbake 40.000 kr då
dei meiner at anlegget ikkje er sluttført. Det blir kalla inn til eit
avklaringsmøte her, og så kan ein vurdere å søkje om støtte via forenkla
ordning.
Møre og Romsdal Fylke
Dei vil godkjenne planen når det blir lagt ved kart som
viser lokalisering av eksisterande anlegg, område for friluftsliv og arealbehov
for planlagde anlegg og friluftsområde. Planen verkar elles godt gjennomtenkt,
og det ser ut som innspel i relativt stor grad har blitt tatt til følgje eller
vurdert. Fylket ser svært positivt på viljen til å sjå på nye løysingar for
arbeidet med fysisk aktivitet, og til å samarbeide om aktivitet og anlegg. Dei
peikar også på at planen har fokus på barn og unge, og at deira ønskjer endrar
seg relativt ofte i høve til kva dei ønskjer. Då kan fleirbruksflater, med
stort rom for endringar og tilrettelegging av nye aktivitetar, vere noko å
tenkje på
Vurdering:
Kartet vart diverre utegløymt på førre utsending av planen.
Dette er no på plass.
Ungdomsrådet
Ungdomsrådet ønskjer at det skal bli lagt til rette for kurs
for treningsinstruktørar for barneidrett. Dei meiner og at ein kan utnytte
kvarandre sine ressursar, til dømes er Valldal samfunnshus sprengt medan det er
ledig kapasitet i andre bygder. Ungdomsrådet ønskjer open klatrevegg på Muritunet,
kunstgrasbane på Valldal stadion og skatepark på området bak Valldal
samfunnshus.
Vurdering:
Kurs for instruktørar er aktuelt å få i stand. Det har vore
diskutert i idrettsrådet ved fleire høve, og då ein hadde aktivitetsplan med så
var dette høgt oppe på lista. Aktivitetsdelen har gått ut då det berre var ei
prøveordning som det ikkje finst midlar å søkje på lenger. Ein vil utfordre
idrettsrådet til å ta opp att denne diskusjonen, og det vil vere aktuelt for
kommunen å medfinansiere eit slikt tiltak. Ein har tidlegare sponsa t.d.
aktivitetsleiarar innan fotball som har gått på kurs for å spare laga for
ekstrautgifter.
Samarbeid mellom lag, som også vil vere med å gi betre
ressursutnytting, har også vore oppe i idrettsrådet fleire gongar. Ein har
ikkje lykkast å få til dette i særleg grad, men vil også sende dette innspelet
til idrettsrådet.
Ein vil undersøkje i kva grad ein kan få til eit
ungdomstilbod knytt til klatreveggen på Muritunet. Kunstgrasbane må kome som eit initiativ frå fotballgruppa. Eit
arbeid er på gang for å sjå på heile uteområdet på Valldal skule, og
skateelement vil vere ein del av dette. Her blir det også vurdert å få på plass
ein buldrevegg (klatrevegg).
Interessegruppa for
turveg i Lingestranda
Det blir arbeidd for å ruste opp den gamle bygdevegen mellom
Linge og Muri slik at denne kan fungere som turveg/sykkelveg og også verte
tilrettelagt for funksjonshemma. Brevet er lagt ved utsendinga for å gi eit
betre bilde av kva ein ser føre seg.
Vurdering:
Tiltaket blir innarbeidd i handlingsplanen.
Saksvurdering og konklusjon:
Ein rår til at kommunedelplan for idrett og fysisk aktivitet
blir vedteken slik han ligg føre.
Ny sakshandsaming:
Eidsdal Idrettslag og
Eidsdal bygdeutval
Dei stiller store spørjeteikn ved at tiltaka på
Gudbrandsjuvet ligg inne på ein slik plan. Årsmøtet føreset at det ikkje vert
brukt kommunale midlar som er avsett til frivillige lag og organisasjonar til
eit slikt føremål. Dei undrast på om tiltaka på Gudbrandsjuvet vil ”kjempe” om
midlar saman med frivillige lag og organisasjonar på fylkesnivå. Dei er sterkt
kritiske til den praksis kommunen her legg opp til.
Eidsdal bygdeutval stiller seg samrøystes bak merknaden til
Eidsdal Idrettslag
Vurdering:
Viser til vurdering av innspelet frå Norddal idrettsråd der
ein meiner at ein føresetnad frå kommunen si side må vere at kommunale midlar
som er øyremerka lag og organisasjonar ikkje vert røyvt i slike samanhengar.
Når det gjeld spelemidlane som fylket fordeler, så må eit
tiltak stå i handlingsplanen for å kunne søkje. Det er slik at dei som står
øvst på den kommunale prioriteringslista er dei som først får spelemidlar.
Fylket vurderer utifrå dei kommunale prioriteringane. Til fristen i år veit ein
at det blir arbeidd for å få sendt søknad på rehabilitering av Valldal
samfunnshus, og klubbhus på Løvoll i Eidsdal. Dei to tiltaka står øvst på
lista. Ein må ofte fornye søknaden både ein og to gongar før ein får tilsegn om
statlege midlar, og kvart år blir det gjort ei ny prioritering av
handlingsplanen på kommunalt hald. Det er to pottar det blir fordelt midlar
til, og det er til ordinære anlegg og nærmiljøanlegg.
Skal Nasjonal Turistveg kunne søkje om spelemidlar må dei
vere med i planen. Det ligg ikkje føre nokon konflikt i ei tildeling mellom
Nasjonal turistveg og lokale lag/org i 2007, men i seinare år er ein slik
"konflikt" mogleg.
