NORDDAL KOMMUNE

Arkiv: Q14 Saksmappe: 05/00005-7 Sakshandsamar: Elisabeth Mansfield Dato: 24.11.2006

Møtebok

Berlivegen – gjennopptaking av delar av vegen som kommunal veg

Saksnr. utval	Utval	Møtedato
102/06	Driftsutvalet	04.12.06
089/06	Kommunestyret	14.12.06

Utsendte saksdokument:

K-sak 08/2002 vedtatt

Oversikt over nedlagte kommunale vegar der det bur fastbuande pr. dags dato

Oversikt over private vegar som fikk tilskott fram til og med 2002

Ikkje utsendte saksdokument:

K-sak 87/87 den 23.11.87 vedk. vedtak om opptak av heile Berlivegen som kommunal veg

Rådmannen si innstilling:

1. Kommunestyret ber om at det på nytt vert lagt fram sak over kriteria ved overtaking av private vegar.

2. Jfr. formannskapet sitt vedtak den 08.06.05 vert privat del av Berlivegen og så langt fram som til fyrste tunet å ta opp igjen som kommunal veg. Kr. 20 000 i auka driftsutgifter til ansvar ”Kommunale vegar” vert å innarbeide i driftsbudsjettet for 2007.

-----------------------------------------------------

Handsaming i Driftsutvalet 04.12.2006:

Utvalet gjekk samrøystes inn for at pkt. 1 skal lyde slik:

Kommunestyret ber om at det på nytt vert lagt fram sak snarast over kriteria ved overtaking av private vegar.

Utvalet gjekk samrøystes inn for at pkt. 2 går ut inntil vidare.

--------------------------------Dette er slutten på behandlingsteksten (denne teksten skrives ikke ut)------------------------------------------------

Innstilling i Driftsutvalet - 04.12.2006:

1. Kommunestyret ber om at det på nytt vert lagt fram sak snarast over kriteria ved overtaking av private vegar.
2. Går ut inntil vidare.

----------------------------------------------------------------------------

Handsaming i Kommunestyret 14.12.06:

Forslag frå Petter Melchior, Sp, om slik endring i pkt. 1:

Kommunestyret ber om at det på nytt vert lagt fram sak over kriteria ved overtaking av private vegar/nedlegging av kommunale vegar.

Røysting:

Samrøystes i samsvar med innstillinga, med tillegg av forslaget frå Petter Melchior om endring i pkt. 1

--------------------------------Dette er slutten på behandlingsteksten (denne teksten skrives ikke ut)------------------------------------------------

Vedtak i Kommunestyret - 14.12.06:

1. Kommunestyret ber om at det på nytt vert lagt fram sak snarast over kriteria ved

overtaking av private vegar/nedlegging av kommunale vegar.

2. Går ut inntil vidare.

----------------------------------------------------------------------------

Saksgrunnlag:

På grunnlag av brev frå Hildegunn og Dagfinn Berli datert 31.05.05, vedk. brøyting av Berlivegen

gjorde Norddal formannskap den 08.06.05 følgjande vedtak:

__

”Rådmann legg fram sak for driftsutvalet/kommunestyret med formål å ta opp igjen vegar som har vorte nedlagte, men som det i dag bur fastbuande langs traseen. Samtidig skal ein vurdere å gjeninnføre ordning med kommunalt tilskot til vedlikehald av private vegar”.

Saksopplysningar:

Berlivegen er i dag ein kommunal veg frå der ein tek av ved riksvegen rett før Hole bru og 510 meter fram til der asfaltert veg stoppar. Vidare 500 meter og fram til siste tunet er vegen i dag privat.

I 1979 vart aktuell vegparsell nedlagt som kommunal veg, men vart teke opp att igjen som kommunal i 1987. Den 07.11.02 gjorde kommunestyret i sak 08/2002 vedtak om at same parsell skulle omklassifiserast frå kommunal til privat veg. I same kommunestyremøte vart det også gjort vedtak om å omklassifisere fyrste del av Herdalsvegen og Rønnebergvegen til privat veg samt legge ned Storåsvegen som ein kommunal veg. Totalt hadde administrasjonen lagt fram ei innstilling om å omklassifisere/legge ned 25 kommunale vegparsellar. Kommunestyret gjorde sitt vedtak med innstilling frå sak 61/02 vedtatt av Utval for teknisk og miljø. I ”vegdebatten” var det lagt vekt på at det ikkje skulle leggast ned kommunale vegar der ein hadde fastbuande. Administrasjonen si innstilling vedk. kriteria for kommunal veg vart ikkje vedtatt.

Frå og med forsommaren 2003 flytta det inn eit par i fremre del av Berlivegen. I brev dagsett 07.12.03 frå aktuell grunneigar i Berlia var det søkt kommunen v/formannskapet om at ei mellombels brøyting vart teke opp att. Kommunen tok ikkje på seg brøytinga, men formannskapet gjorde vedtak om å yte eit tilskott på kr. 1 500 til brøyting av vegparsellen i brøytesesongen 2003/2004.

I brev dagsett 31.05.05 frå same grunneigar vart det søkt om eit brøytetilskott evnt. at kommunen tok opp att vegen som kommunal veg. For brøyteperioden 01.10.04 – 30.09.05 har grunneigar kosta sjølv all brøyting som kom på kr. 11 000. Også for siste brøyteperiode 01.10.05 – 30.09.06 har grunneigar kosta sjølv all brøyting til kr. 7 500.

Tilskott til private vegar falt bort frå og med 2003. Totalt 36 private vegparsellar delte på ein pott på kr. 43 295.

Saksvurdering og konklusjon:

Saka har grunna manglande sakshandsamarkapasiet blitt liggande eitt år på vent, men det er av interesse for både driftsavdelinga, brøytar og grunneigar i Berlia å få svar på statusen til siste del av Berlivegen. Ut i frå vedtaket som formannskapet gjorde 08.06.05 har administrasjonen valt her å sjå berre tilbake til 2002 og til det siste vedtaket som tok for seg nedlegging av kommunale vegar .

Kommunen har i dag ikkje vedtekne kriterium å gå etter ved overtaking av privat veg. Før tekniske krav til private vegar ligg føre bør ein vente med opptak av private vegar. Konsekvensane ved overtaking av ein privat veg vil skape presedens ved at kommunen må ta opp andre. Til slutt vil dette munne ut i ein økonomisk kostnad som kommunen må vurdere om dei har råd til.

Å gjeninnføre ordninga med kommunalt tilskot til vedlikehald av private vegar er i seg sjølv ei meir omfattande sak som krev ei eiga sakshandsaming.

Stig Holmstrøm

rådmann