NORDDAL KOMMUNE

Arkiv: L12 Saksmappe: 06/00774-2 Sakshandsamar: Øystein Klempe Dato: 21.11.06

Møtebok

Vurdering av ny vegtilknyting for Hjellane Hyttegrend

Saksnr. utval	Utval	Møtedato
072/06	Det faste utvalet for plansaker	27.11.06

Utsendte saksdokument:

Vedlegg:
1	Brev frå Oddmund Dalhus, dagsett 01.11.06
2	Utsnitt av gjeldande arealdel til kommuneplanen

Ikkje utsendte saksdokument:

Rådmannen si innstilling:

Det faste utvalet for plansaker har ikkje prinsipielle innvendingar mot ny veg for Hjellane hyttegrend med tilknyting til kommunal veg ovanfrå, men av omsyn til alle interessene i området bør førehandskunngjering av reguleringsarbeidet gjennomførast før utvalet tek endeleg standpunkt til vegtilknytinga.

-----------------------------------------------------

Handsaming i Det faste utvalet for plansaker 27.11.06:

Merete Løvoll Rønneberg gjekk frå som ugild i saka. 6 voterande til stades.

Samrøystes i samsvar med innstillinga.

--------------------------------Dette er slutten på behandlingsteksten (denne teksten skrives ikke ut)------------------------------------------------

Vedtak i Det faste utvalet for plansaker - 27.11.06:

Det faste utvalet for plansaker har ikkje prinsipielle innvendingar mot ny veg for Hjellane hyttegrend med tilknyting til kommunal veg ovanfrå, men av omsyn til alle interessene i området bør førehandskunngjering av reguleringsarbeidet gjennomførast før utvalet tek endeleg standpunkt til vegtilknytinga.

----------------------------------------------------------------------------

Saksgrunnlag:

Det ligg føre brev frå Oddmund Dalhus som eigar av gnr 51 bnr 3 om endra vegtilknyting til Hjellane Hyttegrend i Norddal.

Saksopplysningar:

I arealdelen til kommuneplanen er det sett av område for hytter på eigedomen, og ein del av dette er regulert til Hjellane hyttegrend. Tilkomst er lagt nedanfrå fylkesvegen. Vegen er til dels bratt med stigning ned mot 1 : 6. Den regulerte delen er ferdig opparbeidd.

Skal resten av det avsette området regulerast, krev det rassikring.

Ein har vurdert ein ny tilkomst ovanfrå frå den kommunale vegen. Denne vegen er teikna og profilert med stigning 1 : 10. Dette vil gje ein sikker og varig tilkomstveg til hyttefeltet.

Vegen må gå over naboeigedom øvst oppe, og det er inngått avtale om vegrett.

Området her omfatta av reguleringsplan Hytteområde Dalhus med 3 tomter, og det er bygd 1 hytte på tomta som ligg nærast den kommunale vegen der vegen vil kome opp. Vegen vil kome i ytterkant av dette regulerte feltet.

Hensikten med førespurnaden er å få avklart om det er greitt å kunne bygge vegen med avkøyrsle mot kommunal veg (Hatlestadvegen).

Saksvurdering og konklusjon:

Etter veglova skal tilknyting til offentleg veg skje gjennom reguleringsplan. Er det ikkje reguleringsplan, skal veglova sine reglar gjelde og løyve blir gitt etter veglova. I dette høvet er det reguleringsplan for området Hagardshjellen der det er bygt ut for hytter og som vegen skal gjelde for. Ein endra reguleringsplan må omfatte utviding av hytteområde innanfor arealdelen si avgrensing, område for rassikring og ny veglinje oppover. Tilknyting til kommunal veg krev og ei lita endring av reguleringsplan Hytteområde Dalhus.

Det er fleire interessenter i dette. Vegen i seg sjølv er prosjektert med god stigning, tilstrekkeleg breidde i slyng og god breidde elles, godt med grøfter. Vegen vil gje ein god og sikker tilkomst til hyttefeltet. Vegen går i hovudsak i skogsmark, men over beite øvst oppe.

Sett i plansamanheng bør reguleringsarbeidet førehandskunngjerast slik at alle eventuelle syn kan ligge føre før ein tek standpunkt til om planarbeidet skal førast vidare.

Stig Holmstrøm

rådmann