Møtebok
Klage - Deling av
grunneigedom gnr 25, bnr 2 - Lars
Bjørstad
|
Saksnr.
utval
|
Utval
|
Møtedato
|
|
070/06
|
Det faste utvalet for plansaker
|
27.11.06
|
Utsendte saksdokument:
Klage frå Lars Bjørstad dagsett 09.11.06
Ikkje utsendte
saksdokument:
Møre og Romsdal fylke, fråsegn dat. 10.08.06
Brev av 03.07.06 om uttale i saka
Kartutsnitt, M=1:2000, som syner tomta
Søknaden frå Lars Bjørstad om å dele frå hyttetomt (skjema)
Gjeldande kommuneplan, arealdelen
Arealbruksbestemmelsar til arealplanen
Rådmannen si innstilling:
Det faste utvalet har vurdert innkomen klage dagsett
09.11.06 på vedtaket i sak 058/06.
Utvalet finn ikkje at klagen inneheld moment som ikkje har
vore vurdert før, og held såleis på sitt vedtak i sak 058/06 om ikkje å gje
dispensasjon frå kommuneplanen, arealdelen.
-----------------------------------------------------
Handsaming i Det faste utvalet for plansaker 27.11.06:
Oddfrid Tafjord sette fram slikt forslag:
Det faste utvalet for plansaker har vurdert innkomen klage,
dagsett 09.11.06, på vedtak i
sak 58/06. Utvalet finn å gje dispensasjon frå
kommuneplanens arealdel.
Røysting:
3 røysta for innstillinga som fall
--------------------------------Dette er slutten på
behandlingsteksten (denne teksten skrives ikke
ut)------------------------------------------------
Det faste utvalet for plansaker har vurdert innkomen klage,
dagsett 09.11.06, på vedtak i
sak 58/06. Utvalet finn å gje dispensasjon frå
kommuneplanens arealdel.
----------------------------------------------------------------------------
Saksgrunnlag:
Det faste utvalet vedtok gjorde i møte den 16.10.06 slikt
fleirtalsvedtak (4 mot 3 røyster) i sak 058/06:
Det faste utvalet for plansaker finn etter ei samla
vurdering av søknaden og innkomne merknader
ikkje å gje dispensasjon etter Plan- og bygningslova for å dele frå ei
hyttetomt på gnr. 25, bnr. 2 på Bjørstad.
Det ligg føre klage
dagsett 09.11.06 frå Lars Bjørstad på vedtaket i sak 058/06 i Det faste utvalet
for plansaker; jfr. saksvedlegg.
Saksopplysningar:
Klaga dagsett 09.11.06 i saka frå Lars Bjørstad må sjåast på
å vere komen inn i rett tid i høve reglane i Forvaltningslova.
Innhaldet i klaga frå Bjørstad er høveleg ordrik og går i
stor grad på at han synest det ikkje er heilt lik praksis i Det faste utvalet
for plansaker sine vedtak når det gjeld å vurdere særskilde grunnar i
dispensasjonssaker etter § 7 i PBL.
Som sakshandsamar viser ein til klaga som ligg ved i saka,
og finn ikkje grunn til å kommentere dei einskilde avsnitta.
Men som sakshandsamar vil ein minne om Møre og Romsdal fylke
si fråsegn dat. 10.08.06 i saka, der det gjekk klart fram at fylket både frå
ein landbruksfagleg ståstad og at Norddal sin arealplan har avsett eigne
byggjeområde for fritidsbygg, rådde frå at det vert gjeve dispensasjon i denne
saka. Fylket har derimot ikkje reist motsegn i saka.
Vidare torer ein minne om at grunneigar har som omskrive i
saksutgreiinga til sak 058/06 høve til å fremme søknaden om tomt for hytte på
gnr. 25/2 gjennom neste rullering av arealplanen. Rulleringa av arealplanen
skal vere gjort vedtak i innan inneverande kommunestyreperiode, det vil i
praksis seie at vedtaket vert gjort innan medio 2007.
Saksvurdering og konklusjon:
At vedtaka både i sak 042/06 om å ha til hensikt å gje
dispensasjon og vedtaket i sak 058/06 om ikkje å gje dispensasjon vart gjort
med eit politisk fleirtal på 4 mot 3
røyster har ein merka seg, men administrasjonen kan likevel utifrå ei fagleg
vurdering og det som føreligg i saka også etter at klaga dat. 09.11.06 er
innkomen, ikkje sjå at det er komne til moment som talar for at ein kan
innstille positivt i denne saka og dermed ta klaga til følgje.
Det faste utvalet for plansaker har ikkje heimel i PBL sin §
7 å gje dispensasjon utan at det føreligg særleg
grunn.
Dersom Det faste utvalet for plansaker vel å halde på sitt
vedtak i sak 058/06, vert saka å sende Fylkesmannen i Møre og Romsdal for
avgjer.
