NORDDAL KOMMUNE

Arkiv: M80 Saksmappe: 05/00016-42 Sakshandsamar: Lars Kjell Smoge Dato: 15.11.07

Møtebok

Representantar til reforhandling av brannvernsamarbeid

Saksnr. utval	Utval	Møtedato
099/07	Driftsutvalet	21.11.07

Utsendte saksdokument:

Ikkje utsendte saksdokument:

Sak 084/05 i Driftsutvalet, møte 16.11.05

Brev dagsett 17.10.05 frå Ålesund brannvesen KF

Brev frå Ålesund brannvesen dat. 30.12.04

Gjeldande samarbeidsavtale – Det interkommunale brannvernet

Rådmannen si innstilling:

Norddal kommune gjev desse mandat til å representere kommunen i forhandlingar

om vidare samarbeid innan brannvernområdet:

Namn: Vara:

Namn: Vara:

Handsaming i Driftsutvalet 21.11.2007:

Torunn S. Ljøen, Nl kom med slikt forslag:

Bjørn Helge Rønneberg

Rådmann

Røysting:

Samrøystes i samsvar med Torunn S. Ljøen sitt forslag

Vedtak i Driftsutvalet - 21.11.2007:

Norddal kommune gjev desse mandat til å representere kommunen i forhandlingar

om vidare samarbeid innan brannvernområdet:

Namn: Bjørn Helge Rønneberg

Namn: Rådmannen

Saksgrunnlag:

Det går fram av ikkje utsendt vedlegg i saka dagsett 17.10.05 har Ålesund brannvesen no organisert seg som kommunalt foretak (KF) og det er eit ynskje om å starte reforhandlingar av eksisterande samarbeidsavtalar.

Kommunen vert beden om å peike ut representantar som har mandat til å vere med i forhandlingar om samarbeid innan brann- og feieteneste.

I sak 084/05 i Driftsutvalet vart det valt to representantar frå kommunen med mandat til å representere kommunen, Per Jomar Nerli og Lars Kjell Smoge.

Saksopplysningar:

Norddal kommune har vore med i Det interkommunale brannvernet sidan 1988. Dette samarbeidet har vore fruktbart for Norddal sin del.

Det som i tillegg til eksisterande samarbeid har vore sett fram som eit ynskje dei siste åra, er at samarbeidet vart utvida til også å gjelde feieteneste (feie- og tilsynsarbeid).

I saka om reforhandling av eksisterande samarbeidsavtale har det vore berre eit møte i Ålesund i saka (våren 2006).

At arbeidet med reforhandling ikkje har hatt noko stor framdrift skuldast i hovudsak at stillinga som brannsjef i Ålesund ikkje har hatt tilsetting.

Like før ferien vart det tilsett brannsjef i Ålesund, og det er såleis no å forvente at denne saka snart kjem på dagsorden att.

Saksvurdering og konklusjon:

Det må velgast kven som skal kunne representere kommunen i møter om eventuelt vidare samarbeid om brannteneste og feieteneste.

Målet må vere at i løpet av 2008 å få utarbeidd ei plattform, med tanke på vedtak (K-styret) og verknad frå driftsåret 2009.

Det er vel naturleg at både det politiske og det administrative i kommunen er representert mellom dei som får mandat og at talet kan ikkje vere mindre enn to.

Stig Holmstrøm

rådmann