NORDDAL KOMMUNE

Arkiv: L12 Saksmappe: 07/00461-4 Sakshandsamar: Lars Kjell Smoge Dato: 12.11.07

Møtebok

Reguleringsendring Gjerde hyttefelt

Saksnr. utval	Utval	Møtedato
057/07	Det faste utvalet for plansaker	03.12.07

Utsendte saksdokument:

Gjeldande reg.plan m/føresegner for Gjerde Hyttefelt frå 1996

Brev dagsett 11.05.07 til Nils og Nelly Gjerde

Forslag til reguleringsendring, plankart dat. 07.09.07

Forslag til reguleringsføresegner revidert 16.11.07

Ikkje utsendte saksdokument:

Plott og SOSI fil med innmålte grenser frå Karlsen & Kvile AS av 25.05.07

Rådmannen si innstilling:

1. Det faste utvalet for plansaker har med heimel i § 30 i plan- og bygningslova vurdert privat forslag til reguleringsendring for Gjerde Hyttefelt på gnr. 11, bnr. 4, og vil fremme dette som offentleg plansak.

2. Planutvalet vil gjere slike endringar i planforslaget som nemnt under saksvurderinga.

3. Med heimel i § 27.1 i plan- og bygningslova vedtek Det faste utvalet for plansaker å legge forslag til reguleringsplan (reguleringsendring) for Gjerde Hyttefelt, gnr. 11 bnr. 4, ut til offentleg ettersyn i 30 dagar i samsvar med plankart dagsett 07.09.07 og føresegner revidert 16.11.07.

Handsaming i Det faste utvalet for plansaker 03.12.2007:

Samrøystes i samsvar med innstillinga.

Vedtak i Det faste utvalet for plansaker - 03.12.2007:

1. Det faste utvalet for plansaker har med heimel i § 30 i plan- og bygningslova vurdert privat forslag til reguleringsendring for Gjerde Hyttefelt på gnr. 11, bnr. 4, og vil fremme dette som offentleg plansak.
2. Planutvalet vil gjere slike endringar i planforslaget som nemnt under saksvurderinga.

3. Med heimel i § 27.1 i plan- og bygningslova vedtek Det faste utvalet for plansaker å legge forslag til reguleringsplan (reguleringsendring) for Gjerde Hyttefelt, gnr. 11 bnr. 4, ut til offentleg ettersyn i 30 dagar i samsvar med plankart dagsett 07.09.07 og føresegner revidert 16.11.07.

Saksgrunnlag:

Det ligg føre forslag til endring av reguleringsplanen for Gjerde Hyttefelt på gnr. 11 bnr. 4 i Valldal.

Planforslaget er utarbeidd av firma Karlsen & Kvile AS, det same gjeld dei reviderte føresegnene.

Plandokumenta er oversendingsbrev, plankart og føresegner til planen.

Saksopplysningar:

Festetomtane i feltet vart oppretta i samsvar med reguleringsplanen Gjerde Hyttefelt, planen godkjent av kommunestyret 17.12. 1996.

Ved utbygging av feltet vart mellom anna vegframføringa endra slik at tomtene/hyttene i dag ikkje er fullt i samsvar med vedteken reguleringsplan. Feltet har kome i ”utakt” med gjeldande plan.

For å ha heimel etter Plan- og bygningslova til å dele frå hyttetomtar i dette feltet, må tomtene vere i samsvar med reguleringsplan.

Såleis må det lagast og vedtakast ein ny reguleringsplan (reguleringsendring) for feltet før sak om å dele frå festetomten kan handsamast/gjennomførast.

Forslaget som ligg føre til endra plan for hyttefeltet har, så vidt ein kjenner til, kome i stand etter ein intern prosess mellom hytteigarane og grunneigar.

Saksvurdering og konklusjon:

Reint formelt burde grunneigar teke opp spørsmålet om endring av reguleringsplanen for hyttefeltet då det var klart at det var klare ynskjer om å endre den vedtekne planen og før utbygginga starta, men det vart ikkje gjort.

Tomtene vart oppretta ved feste i samsvar vedteken plan.

I praksis har tomtene kome så mykje i ”utakt” at det må føretakast ei endring.

Forslaget til ny plan for området har tomter av ulik storleik og delvis noko uvanleg form. Prinsippet i den gjeldande reguleringsplanen med at tomtene grensar til grøne belte (friluftsområde) er ikkje ført vidare i planforslaget.

Det private planforslaget vert å handsame etter reglane i PBL (§ 30) og lagt ut til offentleg ettersyn i 30 dagar, slik at alle partar i saka får høve til å kome med sine eventuelle merknader. Alle hytteeigarane som det vedkjem vert tilskrivne.

Forslaget til ordlyd i føresegnene § 2.6 første del, vert å endre frå:

Det faste utvalet for plansaker skal ved handsaming av byggemeldinga sjå til … til:

Driftsutvalet skal ved handsaming av byggesøknaden sjå til …

Forslaget til ordlyd i føresegnene § 5.3 vert å endre frå:

Det er ikkje høve til å legge inn vatn i hyttene før Fylkesmannen har …… til:

Dersom hyttene skal ha innlagt vatn skal avløpsordninga vere godkjent av kommunen.

Kommunen er pålagt å nytte det felles europeiske koordinatsystem EUREF og såleis må plankartet konverterast frå NGO til EUREF89 når det gjeld koordinatsystem.

Stig Holmstrøm

rådmann