NORDDAL KOMMUNE

 

Arkiv:                    L12 &21

Saksmappe:          04/00203-19

Sakshandsamar:   Lars Kjell Smoge

Dato:                      06.11.2006

 

Møtebok

                                  

 

 

 

 

Mindre vesentleg reguleringsendring Lingestranda  

 

Saksnr. utval

Utval

Møtedato

068/06

Det faste utvalet for plansaker

13.11.06

 

 

 

 

Utsendte saksdokument:

Plankart, M=1:1000, sist rev. 06.11.06

 

 

Ikkje utsendte saksdokument:

Rettsforlik, avtale dagsett 06.07.05

Reguleringsendring, k-styresak 109/04, møte 16.12.04

 

Rådmannen si innstilling:

Med heimel i § 28-1 i Plan- og bygningslova vedtek Det faste utvalet for plansaker ei mindre vesentleg reguleringsendring for Lingestranda i samsvar med kart dagsett 03.10.04, revidert 06.11.06, som gjeld denne endringa i høve til gjeldande reguleringsplan:

 

Tomt nr. 1 (Døving) si tomtegrense mot nord vert endra til ei rettline som forlenging av eksisterande tomtegrense mot riksvegen og vidare syd-vestover langs riksvegen til eksisterande ytterpunkt av tomta mot vest.

-----------------------------------------------------

 

 

Handsaming i Det faste utvalet for plansaker  13.11.06:

Nytt saksframlegg med ny innstilling vart lagt fram på møtet.

Vedtak samrøystes i samsvar med innstillinga.

 

--------------------------------Dette er slutten på behandlingsteksten (denne teksten skrives ikke ut)------------------------------------------------ 


 

 

Vedtak i  Det faste utvalet for plansaker - 13.11.06:

Med heimel i § 28-1 i Plan- og bygningslova vedtek Det faste utvalet for plansaker ei mindre vesentleg reguleringsendring for Lingestranda i samsvar med kart dagsett 03.10.04, revidert 06.11.06, som gjeld denne endringa i høve til gjeldande reguleringsplan:

 

Tomt nr. 1 (Døving) si tomtegrense mot nord vert endra til ei rettline som forlenging av eksisterande tomtegrense mot riksvegen og vidare syd-vestover langs riksvegen til eksisterande ytterpunkt av tomta mot vest.

 

----------------------------------------------------------------------------

 

 

 

 

 

Saksgrunnlag:

Grunnlaget i saka går nokre år attende i tid til det var skrive eit kjøpsdokument for hyttetomten til Døving, gnr. 1, bnr. 28 (tomt nr. 1). Ei litt lang historie, som utvalet kjenner til, enda det opp med eit rettsforlik der partane vart samde og dette er styrt gjennom ein avtale i 7 punkt; avtalen er dagsett 06. juli 2005. Forutan grensedragninga mellom hytteigedomane tek avtalen i hovudsak for seg forhold omkring fellesvegen (vedlikehald mv.) i området.

Grensedragninga som er omforeint gjennom rettsforliket mellom eigarane av tomt nr.1 og nr 2 er identisk med forslaget til endring av reguleringsplanen; ei lita justering av det regulerte hytteområdet som gjeld tomt nr. 1 si nordgrense og slik at tomt nr. 1 vil gå lengre mot riksvegen.

 

Saksopplysningar:

Endringa som er lagt fram i denne saka om mindre vesentleg reguleringsendring for Lingestranda, gjeld endra arealbruk for ein trekant med ei grunnlinje langs riksvegen på om lag 3 m og eit areal på om lag 20 m2.

 

Kommunestyret gjorde slikt vedtak i sitt møte 16.12.04, k-sak 109/04:

 

1. Med heimel i § 27-2 i plan- og bygningslova vedtek kommunestyret reguleringsendring for Lingestranda i samsvar med kart dagsett 03.10.04, revidert 06.12.04, der det er teke inn desse endringane i høve til framlegget som har vore lagt ut:

  1. I reguleringsføresegnene blir det teke inn slik formulering:

-         På felles veg skal regulert areal langs vegen nyttast til tilstelling av skråningane

  1. Det skal leggast inn frisiktsoner 4 m x 130 m
  2. Felles veg bli forskyvd 3 meter innover ved endepunktet mot hus på tomt 1.

2.                 Ein vil kome attende til tomtedeling om det blir naudsynt i eiga sak i samsvar med § 28-1.3 i plan- og bygningslova.

 

Saksvurdering og konklusjon:

Endringa av reguleringsplanen Lingestranda gjeld endring av tomt nr. 1 (gnr. 1/28) si nordgrense slik at den vert ei rettline mot riksvegen og at halvdelen av arealet(trekantforma) mellom eksisterande grense og riksvegen (vest) vert lagt til tomt nr. 1.

Det regulerte arealet for hyttene i området vert med dette om lag 20 m2 større og område for felles privat veg vert tilsvarande mindre; jfr. saksvedlegg.

 

I samsvar med PBL § 28-1 nr. 4 skal dei som saka gjeld ha høve til å uttale seg før utvalet kan gjere vedtak med heimel i § 28-1. I denne saka må dette vere oppfylt for partane i og med at forslaget til reguleringsendring er i samsvar med underskriven avtale i eit rettsforlik.

 

Vedtak etter § 28-1 i PBL kan klagast på vanleg måte etter Forvaltningslova og endeleg vedtak vert eventuelt gjort av Fylkesmannen.

 

 

 

Stig Holmstrøm

 

rådmann