NORDDAL KOMMUNE

Arkiv: 231 M

Saksmappe: 07/00817-4

Dato: 07.11.2007

Møtebok

Slamgebyr for 2008

Saksnr. utval	Utval	Møtedato
092/07	Driftsutvalet	21.11.07
102/07	Kommunestyret	13.12.07

Utsendte saksdokument:

Gebyrgrunnlag for Slamtømming - utgåve 07.1.2007

Sak om Vass- og avløpsgebyr for 2008

Ikkje utsendte saksdokument:

Slamgebyr for 2007

Handsaming i Kommunestyret 13.12.2007:

Bjørn Helge Rønneberg, Nl fremma rådmannen si innstilling.

Røysting:

20 røysta for Bjørn Helge Rønneberg, Nl sitt forslag (rådmannen si innstilling)

1 røysta i mot

Bjørn Helge Rønneberg, Nl fremma slikt oversendingsforslag til administrasjonen:

Frivillige lag og organisasjonar kan søkje om å få sett ned gebyret til 50% for sine bygningar. Administrasjonen behandlar søknaden.

Det vart røysta over oversendingsforslaget:

Samrøystes i samsvar med Bjørn Helge Rønneberg sitt forslag.

Vedtak i Kommunestyret - 13.12.2007:

1. Med heimel i forureiningslova vedtek kommunestyret for 2008 å sette ned slamgebyret med 10 % for tømming av slam utanfor kommunalt nett.

2. Auka utgifter på slam skal takast over slamfondet.

3. Mva. kjem i tillegg til alle kategoriar av slamgebyr.

Saksgrunnlag:

Kommunen har i dag ståande på sjølvkostfond kr. 1 339 755 som er merka ”Avløp/rens”. For slamtenesta har ein i denne saka berre gått gjennom inntektsgrunnlaget for slam og ikkje sett på korleis slamgebyra er fordelt på dei ulike kategoriar.

Saksopplysningar:

I det kommunale rekneskapet har ein sjølvkostfond innan VAR-området (vatn, avløp og renovasjon). Eit sjølvkostfond er eit akkumulert overskot som er oppstått i sjølvkostrekneskapet. Dette betyr at ein må gjennomføre ei etterkalkyle etter kvart rekneskapsår. Sjølvkostfondet sin funksjon er å handtere svingingar i inntekter og kostnader slik at gebyra kan haldast stabile. Fondet skal etter prinsippet for sjølvkostfond tilbakebetalst til abonnentane då dagens brukar berre skal betale for tenester dei sjølve har nytte av.

Etter revidering av grunnlaget for vass- og avløpstenesta (slam vart ikkje teke med) i 2006, fikk ein ei oppdatert oversikt på kva kommunen kan fakturere med tanke på å følgje sjølvkostprinsippet. Grunna større investeringar innan vassforsyning og kloakkering i 2006 og 2007 vart både avløps- og vassgebyret auka vesentleg med tanka på sjølvkostprinsippet. Avløpsfondet som pr. november 2007 er på 1,34 mill skuldast akkumulerte slaminntekter. Norddal kommune har sia tvungen slamtømming vart innført i kommunen i 1995 spesifisert slamgebyret på utsendte faktura også til abonnentar tilknytt kommunalt avløpsnett. I følgje Fylkesmannen er kostnaden til slamtømming på kommunalt nett ein naturleg del av kostnaden ved drift av eit avløpssystem. Prinsippet er at slamkostnadene på kommunalt nett skal fordelast på alle avløpsabonnentane og handsamast etter kommunal Forskrift for vatn- og avløpsgebyr. Slamordninga for abonnentar som ikkje er knytt til kommunalt avløpsnett vert handsama etter Forureiningslova.

Etter vedlagt oppsett over ”Gebyrgrunnlaget for slamtømming” har ein rekna ut at storleiken på slamutgifter knytt til kommunalt avløpsnett utgjer 33,5 % av i alt totalt slam på og utanfor kommunalt nett. Det bundne driftsfondet ”Avløp/rens” på 1,339 755 vert å fordele med 33,5 % ( 450 000) på det attståande Avløpsfondet, som vil kome abonnentane tilknytt kommunalt nett til gode. Medan resterande part på 66,5 % (890 000) skal førast på eit eige Slamfond som skal tilgodesjåast abonnentane utanfor kommunalt nett.

Ved å bruke om lag 100 000 av avløpsfondet i 2008 kan ein halde same gebyrnivå som for 2007. Fondet er så pass stort og det er ønskeleg at ein innan ein laupande 3 – 5 –års- periode får fondet redusert til eit meir akseptabelt beløp. Ein reduksjon i gebyret kan ein derfor tillate seg å gjere for 2008.

Slamgebyret er knytt til kostnad pr. tank og vert fakturert abonnentane med faktiske utgifter. Tøming av tankane skjer kvart 2. år for bustadane, for kvart 4. år for hyttene og årleg for nokre einskilde tankar (hovudsakleg institusjonar og liknande). Slamgrunnlaget vert sett over ein 4-års-periode.

Saksvurdering og konklusjon:

Slamkostnadane på det kommunale avløpsnettet er ein naturleg del av det kommunale avløpssystemet og er anbefalt vert lagt inn under budsjettansvar for avløp. Eksisterande Avløpsfond på om lag 1,34 mill vil då bli reduserast til 0,45 mill. Resterande beløp frå eksisterande avløpsfond på 0,89 mill vil gå inn i eit eige slamfond. Utgifter til administrasjon (”støtte/tillegg”) vert å ta inn på slamabonnentane

i tillegg til dei direkte utgiftene. Frå 2008 og nokre år framover kan ein fryse slamgebyret ved bruk av slamfondet og fram til fondet er kome ned i eit ”normalt” nå

Stig Holmstrøm
rådmann