Møtebok
Ombygging av uthus
Herdalsosen gnr 50 - Anne
Marie Nystad
|
Saksnr.
utval
|
Utval
|
Møtedato
|
|
095/07
|
Driftsutvalet
|
21.11.07
|
Utsendte saksdokument:
Uttale frå fylket dat. 17.09.07
Brev til fylket av 22.08.07 vedk. uttale
Søknad m/teikningar/situasjon
Erklæring frå Dale grunneigarlag dat. 17.06.07
Ikkje utsendte
saksdokument:
Søknad (skjema) dagsett 20.06.07
Verneforskrifta for Geiranger-Herdalen landskapsvernområde
Rådmannen si innstilling:
Norddal kommune viser til vedtak av Møre og Romsdal fylke
dagsett 17.09.07 med heimel i verneforskrifta for Geiranger-Herdalen landskapsvernområde i saka.
Søknaden av 20.06.07 om løyve til ombygging av uthus ved
Herdalsosen, gnr. 50, vert ikkje
imøtekomen.
Handsaming i Driftsutvalet 21.11.2007:
Svein Linge, Tl kom med slikt tilleggforslag til
innstillinga:
……………, vert ikkje imøtekomen no. Norddal kommune ber om at
før ein tek endeleg avgjerd må det utarbeidast og vedtakast ein
forvaltningsplan over Geiranger-Herdalen landskapsvernområde.
Røysting:
Samrøystes i samsvar med innstillinga og med Svein Linge, Tl
sitt tilleggsforslag.
Norddal kommune viser til vedtak av Møre og Romsdal fylke
dagsett 17.09.07 med heimel i verneforskrifta for Geiranger-Herdalen landskapsvernområde i saka.
Søknaden av 20.06.07 om løyve til ombygging av uthus ved
Herdalsosen, gnr. 50, vert ikkje
Imøtekomen no. Norddal kommune ber om at før ein tek endeleg
avgjerd må det utarbeidast og vedtakast ein forvaltningsplan over
Geiranger-Herdalen landskapsvernområde.
Saksgrunnlag:
Søknaden gjeld ombygging av eksisterande uthus under
tilknytt ei mindre hytte i nordenden av Herdalsvatnet, gnr. 50; jfr. vedlegg i
saka.
Utifrå at tiltaket ligg i Geiranger-Herdalen
landskapsvernområde (verdsarvområde) var saka om dispensasjon oversendt Møre og
Romsdal fylke for uttale; jfr. brev av 22.08.07.
Fylket sin uttale i saka ligg føre dat. 17.09.07; jfr.
vedlegg.
Saksopplysningar:
Som det går fram av vedlegga i saka, var oversendinga til
fylket for uttale forseinka ved ei misstyding.
Møre og Romsdal fylke, uttale av 17.09.07:
Fylket vurderar tiltaket som ei ny hytte og ikkje ei
ombygging/utviding av eksisterande uthus.
Etter verneforskrifta § 3 pkt. 1.1. for Geiranger-Herdalen
landskapsvernområde skal området vernast mot inngrep som vesentleg kan endre
eller verke inn på landskapet sin art eller karakter. Forvaltningsstyremakta
kan etter søknad gje løyve til ombygging og utviding av eksisterande bygning,
jfr. § 3 punkt 1.3 a).
Fylket har gjeve avslag på søknaden om ombygging med heimel
i verneforskrifta § 3 pkt 1.3 a).
Saksvurdering og konklusjon:
Kommunen har tidlegare ikkje hatt liknande sak for
handsaming etter at det vart vedtak om
Geiranger-Herdalen landskapsvernområde.
Fylket v/sakshandsamar har (05.11.07) opplyst at det ikkje
ligg føre noko klage til Direktoratet for naturforvalting på fylket sitt vedtak i saka av 17.09.07.
Det må vere rett at det er ei streng haldning til endringar
av eksisterande bygningar og nye tiltak i nyleg vedtekne landskapsvernområdet.
Etter ei samla vurdering finn ein å rå til at fylket si
haldning og vedtak i saka også er kommunen si haldning.
Kommunen sitt vedtak kan klagast på innan 3 veker etter
reglane i Forvaltningslova.
