Møtebok
Fornya søknad om
deling/dispensasjon
Gnr.17, bnr. 1
- Grønningsæter
|
Saksnr.
utval
|
Utval
|
Møtedato
|
|
054/07
|
Det faste utvalet for plansaker
|
22.11.07
|
Utsendte saksdokument:
Søknad frå Møre og Romsdal fylke dagsett 07.09.07
Kartvedlegg
Sak 053/01 – Det faste utvalet for plansaker
Ikkje utsendte
saksdokument:
Søknad frå Fylkesmannen dagsett 12.10.01
Sak 152495 – Fylkeslandbruksstyret, møte 25.01.95
Kart
Det faste utvalet for plansaker har til hensikt å gi
dispensasjon frå arealdelen av kommuneplanen for at tomt med eksisterande
våningshus på gnr. 17, bnr. 1 på Grønningsæter i Valldal kan delast
frå i samsvar med søknad dagsett 07.09.07 frå Møre og Romsdal fylke.
Saksgrunnlag:
Møre og Romsdal fylke søkjer om dispensasjon frå
kommuneplanen, arealdelen, for å kunne dele frå ei hustomt med påståande hus,
storleik 1,5 daa, gnr. 17/1 på Grønningsæter.
Bakgrunnen for søknaden om dispensasjon går fram av søknaden
dagsett 07.09.07; jfr. saksvedlegg.
Saksopplysningar:
Fylkeslandbruksstyret har handsama delingssaka etter
jordlova § 12 den 25.01.95 og gjorde slikt vedtak:
Fylkeslandbruksstyret
viser til § 55 i jordlova og gjev løyve til frådeling av ein parsell på 30
dekar utmarksareal og ein parsell på 1,5 dekar med påståande bustadhus frå gnr.
17 bnr. 1 i Norddal. Parsellane er vist på kartet som følgjer saka.
I gjeldande kommuneplan arealdelen er området avsett til
LNF-område der spreidd busetnad er tillate.
Møre og Romsdal fylke har skriftleg klargjort (mail av
27.06.07) at ei slik sak skal handsamast som dispensasjon frå arealdelen av
kommuneplanen, då det for den einskilde tomt skal vere konkret i høve omfang og
lokalisering.
Saksvurdering og konklusjon:
Arealbruken er i samsvar med gjeldande arealdel av
kommuneplanen.
Saka er avklara i høve det landbruksfaglege og det ligg føre
løyve etter § 12 i jordlova (fylkeslandbruksstyre Ajoursak 152495 10003 DEL).
Ein rår til etter ei samla vurdering at det kan gjevast
dispensasjon frå arealdelen i kommuneplanen i denne saka.
Vedtak med heimel i § 7 i PBL (dispensasjon) kan gjerast av
utvalet etter at saka har vore til uttale etter dei vanlege
sakshandsamingsreglane.
Sjølve søknaden om å dele frå skal handsamast på vanleg måte
etter PBL.
