Rådmannen si innstilling:
1.
Det faste utvalet for plansaker har med heimel i § 30 i plan-
og bygningslova vurdert privat forslag til reguleringsplan for Omenås
Hyttegrend på gnr 10 bnr 2, og vil fremme dette som offentleg plansak.
2.
Planutvalet vil gjere slike endringar i planforslaget som
nemnt under saksvurdering i saka.
3.
Med heimel i § 27.1 i plan- og bygningslova vedtek Det faste
utvalet for plansaker å legge forslag til reguleringsplan for Omenås
Hyttegrens, gnr 10 bnr 2, ut til offentleg ettersyn i 30 dagar i samsvar med
plankart og føresegner, dagsett 20.10.06, revidert 06.11.06.
-----------------------------------------------------
Saksgrunnlag:
Det ligg føre privat forslag til reguleringsplan for Omenås Hyttegrend på gnr 10 bnr 2 i
Valldal. Plandokumenta er
oversendingsbrev, planutgreiing, føresegner til planen og plankart.
Saksopplysningar:
Oppstart av planarbeidet har vore førehandskunngjort. Til oppstartsmeldinga er det kome 3
merknader som er frå Øyvind Hoel og Anette Steinnes som naboer og eigarar av
gnr 10 bnr 3, frå Møre og Romsdal fylke og frå Statens vegvesen. Merknadene er referert i oversendingsbrevet
med samandrag og kommentar. Det vert
vist til dette.
Planforslaget omfattar 48 hytter. For vurdering av forslaget viser ein til plankartet med
føresegner og planutgreiinga som gir argument for plassering av hyttene i
terrenget og utnyttinga.
Saksvurdering og konklusjon:
Landbruksfagleg vurdering
Ein har drøfta saka med næringssjef. Ein finn utnyttinga akseptabel ut i frå
terrengtilpassing i planen og tal på hytter i høve til totalt areal på stykket
med bygging på om lag 1/3 av heile arealet.
Ein føresetnad er at det framleis kan drivast tradisjonell skogsdrift
innanfor friluftsområdet og at det går an å føre virke frå den øvre del av
teigen og ned gjennom feltet.
Hytteområdet må utvendig gjerdast inn i tilstrekkeleg grad for å hindre
at beitedyr kjem inn på området.
Tilhøvet til overordna plan
Planforslaget omfattar areal som i arealdelen til
kommuneplanen er lagt ut som LNF-område, og hytteområde etter kommuneplanen
ligg høgare opp. Dette har synt seg
vanskeleg realiserbart, og planutvalet har fatta vedtak om at dette
planforslaget kan kome i staden.
Det var ein føresetnad at det skulle formast ein overordna
plan for Omenås/Gjerde som synte utnytting av areal og felles vegar. Dette arbeidet har vore førehandskunngjort
og det er kome nokre innspel. Noko
planutkast ligg enno ikkje føre. Ein
ser planforslaget som no ligg føre som innspel i denne saka. Ein har i dette planarbeidet peika på mogleg
tverrsamband gjennom feltet, og det vil vere ved å nytte vegen frå P400 gjennom
feltet mot vest forbi tomt 5 for ekstern tilknyting.
Vurdering av planforslaget
Plankartet syner ei tett utnytting i grupper med friareal
mellom. Dette er i samsvar med kommunen
sine intensjonar. Det går fram av
planutgreiinga at det ligg til grunn ein grundig terrenganalyse. Av reguleringsføresegnene går det fram at
det ligg eit medvete tilhøve til dei ulike parametra for byggutforming. Dette kan bli vel detaljert, men ein får sjå
korleis dette vil virke i praksis.
Ein vil ha inn desse endringane:
a.
Plankartet
Reguleringsføremål privat veg:
Reguleringsføremål frisiktsone:
Påskrift 10 x 100 m
b.
Reguleringsføresegnene
pkt.3.1 Stryke at
tomtegrenser er retningsgjevande og kan tilpassast
pkt.3.4 endra
formulering ”..er det høve til å heve bygget (loft) med gesimshøgde til 4,3
m…..osv”
pkt.3.8 stryke
3.ledd om at gjerde av lett karakter kan oppførast
nytt pkt.3.9 Heile
hytteområdet skal gjerdast inn i tilstrekkeleg grad for å halde beitedyr ute
§ 5 Spesialområde privat veg
pkt.5.1 tillegg:
vegområdet skal omfatte 1 meter utafor skulder på kvar side av vegen til bruk
for grøft og snøopplag
nytt pkt.5.4: På
strekninga P400 – tomt 5 kan vegen inngå i eit overordna vegsystem med ekstern
tilknyting og for gjennomgangstrafikk til andre hytteområde
Med desse endringane vert saka å legge ut til offentleg
ettersyn.
