Saksgrunnlag:
Kommunestyret gjorde den 16.02.06 i sak 5/06 vedtak om at
Teknisk drift-FDV si verksemd i Hovebygget på Grandane (teknisk driftsstasjon
og miljøstasjon) og brannstasjonen skulle flyttast og reetablerast i
industriområdet i Djupøyna.
Saksopplysningar:
Vedtak vedk. ”Muriparken” sak 5/06 av 16.02.06 (merk pkt.
9,11 og 13):
1. Kommunestyret ser ”Muriparken” som ein visjon for utviklinga av
området Murigrandane. Norddal kommune vil vere aktivt med i vidareutvikling av
området gjennom deltaking i ulike prosjekt/etableringar i området. Området skal
vere prega av etableringar knytt til natur, kultur, helse, velvere, reiseliv og
oppleving. Som ein konsekvens av dette, vert det faste planutvalet bede om å
leggje ned byggje- og deleforbod i området, og straks setje i gang
reguleringsplanarbeid som ivaretar visjonen om ”Muriparken.”
2.
Norddal
kommune vil delta i etableringa av Storfjord helsesenter med ein aksjekapital
på 6,9 mill. kr.
3.
Norddal
kommune vil delta i etableringa av HelseCo med ein aksjekapital på 2 mill. kr.
4.
Norddal
kommune vil delta i etableringa av Murihagen kurssenter med ein aksjekaptal på
kr.150.000,-.
5.
Norddal
kommune stiller tomt til disposisjon for aktuell investor for etablering av
hotell.
6.
Naudsynte
avtalar med dei ulike aktørane/deltakarane i ovannemnde etableringar vert å
leggje fram for kommunestyret til endeleg godkjenning.
7.
Kommunestyret
vedtar flytting av helseavdelinga frå rådhuset til helsesenteret innanfor ei
kostnadsramme på 1 mill. kr.
8.
Kommunestyret
vedtar flytting av hovudbiblioteket frå Norddal Elverk sitt bygg til rådhuset
innanfor ei kostnadsramme på 1 mill. kr.
9.
FDV
si verksemd i Hovebygget og brannstasjonen vert å flytte og reetablere i
industriområdet på Djupøyna innanfor ei kostnadsramme på 8 mill. kr. I samband
med denne etableringa skal også vurderast bygging av utleigebygg til
industriføremål. Opparbeiding av naudsynt manglande infrastruktur i Djupøyna må
prioriterast.
10.
Finansiering:
a)
Finansieringa
av aksjekapital i Storfjord helsesenter (6,9 mill.), HelseCo (2 mill.)
Murihagen kurssenter (0,15 mill.) og flyttinga av helseavdelinga (1 mill.) og
bibliotek (1 mill.), til saman 11,05 mill. kr., vert finansiert ved innløysing
av ansvarleg lån (14,25 mill. kr.) i Tafjord Kraft AS.
b)
Resterande
beløp (kr. 3,2 mill. kr.) skal setjast av på fond bunde til infrastrukturtiltak
i kommunen, særleg skal tiltak for styrking av intern kommunikasjon i kommunen
prioriterast. Retningsliner for bruk av desse midlane vert å handsame i eiga
sak for kommunestyret seinare.
11.
Finansieringa
ved flytting og nytt bygg for verksemda til FDV i Hovebygget og brannstasjonen
vert gjort gjennom låneopptak.
12.
Dei økonomiske konsekvensane av ovanståande
skal innarbeidast ved rullering av økonomiplan og framlegg av årsbudsjett, og
detaljeringa av dei einskilde kostnadsoppsett vert å leggje fram for
formannskap/kommunestyre.
13.
Beløpa
som er nemnde punkta 2, 7, 8 og 9 vert sett på som anslag og vert å kome
attende til.
Etter oppdrag frå administrasjonen leverte Arkitektkontoret
AS ARC-ESS eit skisseprosjekt som omfatta bygging av brannstasjon,
driftsstasjon og miljøstasjon med tilhøyrande uteområde. Det ligg føre
romprogramskisse med ei grov kostnadskalkyle, sjå tabell under.
|
|
|
Areal
(m2)
|
Kostnad
eks mva (mill)
|
|
Brann- og driftsstasjon
|
1030
|
10
|
|
Miljøstasjon
|
|
360
|
3
|
|
Uteområde
|
|
|
2
|
Øvre ramme på 8 mill er alt gjennom vedtak lagt som eit
kostnadskrav. Ut i frå dette har administrasjonen i samarbeidd med Christie
& Opsahl AS omarbeidd prosjektet og kome ned i eit minstemål på 700 m2. Ein
del av i miljøstasjonen, 100 m2 er tenkt som naudsynt lagerplass for teknisk
utstyr. Skisseprosjektet/behovsanalysa er tenkt som grunnlag for å vurdere om
prosjektet skal vidareførast til forprosjektnivå. Med tanke på funksjonaliteten
på tomt 4 var den i utgangspunktet noko smal, men og ein har lukkast å få kjøpe
eit tillegg til tomta . I tillegg til brann- og driftsstasjon vil ein
miljøstasjon med omrømmingsareal krevje omrømingsareal for større køyretøy.
Administrasjonen har jfr. pkt. 16 i vedteken økonomiplan for
2007-2010 sett på alternative løysingar til miljøstasjon. Ein har også teke
kontakt med Stordal og Ørskog kommune om aktualiteten for ei interkommunal
løysing. Ein er samde om at ein felles miljøstasjonen for desse kommunane ikkje
er teneleg. Skal ein få rasjonalisert drifta av miljøstasjonane må ein få ned
kostnadane på transporten og leiga av containerane. Miljøstasjonane bør ligge
der folk bur, men ei interkommunal ordning for innsamlinga frå miljøstasjonane
er ei aktuell løysing. Ut i frå at det sentralt er det gitt signal om auka krav
til kjeldesortering bør ein vere budd på at aktiviteten på miljøstasjonen vil
auke.
Praksisen rundt farleg avfall vil ytterlegare innskjerpa.
Saksvurdering og konklusjon:
Hovudelementa vedk. brannstasjon, driftsstasjon og
miljøstasjon er i skisseprosjekt dagsett 17.01.07 og 26.10.06 i vareteke. Ein
vil måtte gå ut i frå at funksjonane som ligg til brann og teknisk drift -FDV
vil endre seg over tid. Dette kan gje seg utslag i arealbehovet.
Ramme som ligg inne i budsjettet for 2007 er på 8,2 mill til
brann- og driftsstasjon. Midlar til
miljøstasjon og uteområde er ikkje sett av i budsjettet for 2007. Som
for driftsstasjonen er dette hovudsakleg midlar som ein kan finansiere over
VAR-gebyra.
