Møtebok
Namnebyte frå Sylte til
Valldal
|
Saksnr. utval
|
Utval
|
Møtedato
|
|
097/06
|
Driftsutvalet
|
04.12.06
|
Utsendte saksdokument:
Brev frå Viktor Valdal (Aksjonslista), datert 04.10.06
Ikkje utsendte
saksdokument:
Lov om stadnamn
Vedtak i oppvekst og kultur i sak 40/01
Rådmannen si innstilling:
1.
Norddal kommune ønskjer at det offisielle namnet på
kommunesenteret skal vere Valldal.
2.
Statens namnekonsulentar blir bedne om å kome med tilråding.
-----------------------------------------------------
Handsaming i Driftsutvalet 04.12.2006:
Samrøystes i samsvar med innstillinga.
--------------------------------Dette er slutten på
behandlingsteksten (denne teksten skrives ikke
ut)------------------------------------------------
Saksgrunnlag:
Viktor Valdal ber i brev datert 04.10.06 om at det blir
vurdert å byte namn frå Sylte til Valldal.
Saksopplysningar:
Valdal skriv at dei fleste er vandt med å bruke namnet
Valldal som bygdenamn for bygda (tettstaden) Valldal. Han har undersøkt saka,
og meiner at Sylte no står oppført både som gardsnamn og tettstadnamn
(bygdenamn). Valdal meiner at det er greitt at dette blir brukt i daglegtalen
lokalt, men spesielt med omsyn til reiseliv bør dette endrast til Valldal. Han
skriv at i dag består Valldal sentrum av både Sylte og Muri, og desse
gardsnamna bør bestå medan tettstadnamnet vert Valldal. På mange kart står
ikkje namnet Valldal i det heile. Det same gjeld på adresser på internett der
ein finn gardane Valdal og Valldalen (dalføre), men ikkje Valldal.
Saksvurdering og konklusjon:
Ønskjer ein å endre namn frå Sylte til Valldal så skal det
hentast inn uttale frå Statens namnekonsulentar. Deretter skal saka ut på
høyring slik at aktuelle partar får uttale seg. Saka skal deretter tilbake til
namnekonsulentane som kjem med endeleg tilråding før kommunen gjer vedtak.
Utval for oppvekst og kultur gjorde i sak 40/01 vedtak om at
det offisielle namnet på kommunesenteret skulle vere Valldal. Bakgrunnen for
dette var eit brev frå Norddal Reiselivslag som informerte om forvirring på
grunn av manglande samsvar mellom kart og skilt. Saka vart av ein eller annan grunn
ikkje sendt vidare i systemet, og ein har difor ikkje fått naudsynte
godkjenningar på dette vedtaket. Prosessen må difor starte på nytt no.
