NORDDAL KOMMUNE

Arkiv: L12

Saksmappe: 05/00538-15

Møtebok

Saksnr. utval	Utval	Møtedato
012/07	Det faste utvalet for plansaker	26.02.07
015/07	Kommunestyret	08.03.07

Utsendte saksdokument:

Plankart datert 20.10.06, revidert 06.11.06, 06.02.07

Reguleringsføresegner av 20.10.06, revidert 06.11.06, 06.02.07

Statens vegvesen, uttale dagsett 27.12.06

Møre og Romsdal fylke, fråsegn datert 10.01.07

Fem grunneigar gnr. 10, merknad dagsett 09.01.07

Brev av 02.12.06 frå Hallvard Omenås vedk. vatn og kloakk

Brev dat. 20.11.06 m/vedlegg frå Hallvard Omenås vedk. gjerdeplikt

Ikkje utsendte saksdokument:

Annonse (14.11.06) vedk. utlegging av planen til offentleg ettersyn

Sak 067/06, møte 13.11.06 i Det faste utvalet for plansaker

Brev frå Apal Helge Aarset siv.ark.mnal av 28.11.06 vedk. revidert plankart

Framlegg til privat reg.plan for Omenås hyttegrend – gnr. 10/2, dat. 20.10.06, søknad

Planutgreiing, dagsett 20.10.06

Forslag til reguleringsføresegner, dagsett 20.10.06

Plankart, dagsett 20.10.06

Vegprofil

Saksgrunnlag:

I møte den 13.11.06 gjorde Det faste utvalet for plansaker slikt vedtak i sak 067/06:

Det faste utvalet for plansaker har med heimel i § 30 i plan- og bygningslova vurdert privat forslag til reguleringsplan for Omenås Hyttegrend på gnr 10 bnr 2, og vil fremme dette som offentleg plansak.
Planutvalet vil gjere slike endringar i planforslaget som nemnt under saksvurdering i saka.

Med heimel i § 27.1 i plan- og bygningslova vedtek Det faste utvalet for plansaker å legge forslag til reguleringsplan for Omenås Hyttegrens, gnr 10 bnr 2, ut til offentleg ettersyn i 30 dagar i samsvar med plankart og føresegner, dagsett 20.10.06, revidert 06.11.06.

På vanleg måte har utvalet sitt vedtak vore annonsert (Storfjordnytt og Sunnmørsposten) og grunneigarar tilskrivne.

Den annonserte fristen i høve offentleg ettersyn (15.12.06) vart utvida til 10.01.07.

Det ligg føre tre merknader, frå Statens vegvesen, Møre og Romsdal fylke og grunneigarar på Omenås; jfr. vedlegg i saka.

Saksopplysningar:

Merknad av 27.12.06 – Statens vegvesen.

Vegvesenet har for sin del ikkje merknader til planframlegget, men ber om at føresegnene til planen i § 5 vert omgjort slik at det går fram at avkøyrsla mot riksvegen skal utformast i samsvar med vegnormalane.

Fråsegn dagsett 10.01.07 – Møre og Romsdal fylke.

Konklusjonen frå fylket i saka er det vert rådd til at kommunen snarast fullfører det overorna planarbeidet, slik at ein vedteken kommunedelplan kan bli grunnlag for vidare detaljplanarbeid.

Fylket har ingen særlege merknader til det konkrete planforslaget.

Vidare rår fylket til at det vert innarbeidd i reguleringsføresegnene at hyttefeltet skal byggast ut etappevis. Storleiken og talet på etappar kan vurderast.

Fylket ser framleis med uro på at vegen går gjennom tunet på gnr. 10/2 og ber vurdert om det er mogeleg å finne alternativ tilkomst utan at meir dyrkamark samstundes blir omdisponert.

Merknad av 09.01.07 – Grunneigarar på Omenås gnr. 10, bnr. 1-5.

Grunneigarane ser positivt på initiativet som er teke for å utnytte gjeldande område. Dei påpeikar at ei så stor utbygging med evigvarande konsekvensar for dei tilstøytande områda, og dei føreset såleis at det ikkje vert godkjent noko reguleringsplan, før det føreligg ein arealplan på heile området frå sætra og ned til dyrka på Omenås.

Grunneigarane ser positivt på at det vert gjeve løyve til eit mindre antal hytter inntil ny overordna plan for heile området er klar; punkt i denne samanhengen er:

-kor stor utnytting av området/antal hytter totalt

-kvar skal friområde ligge

-vegar

-framtidig landbruksdrift

Brev av 20.11.06 frå Hallvard Omenås.

Spørsmålet om i kva grad det skal gjerdast i hyttegrenda, er eit spørsmål som må avklarast gjennom reguleringsplanen ved føresegnene. Gjerdeplikta mellom bruka er styrt av jordskiftedokumenta.

Brev av 02.12.06 frå Hallvard Omenås.

Det brevet tek opp om eventuell tilknyting av hyttegrenda til den kommunale vassleidninga i Omenås bustadfelt, er ikkje sak som er naturleg for planutvalet å ta stilling til konkret, men planutvalet kan sjå på problemstillinga som generell i høve overordna arealplanarbeid.

Dersom søknaden om tilknytning av vatn for hyttegrenda må handsamast politisk, må den handsamast av driftsutvalet.

Vatn og avløp i hyttefelt er ikkje utan vidare relevant i ei plansak, då dette er søknadar som skal handsamast etter anna lovverk enn for reguleringsplanar.

Det faste utvalet for plansaker si sak 067/06 har lagt inn dette som endringar:

a. Plankartet

Reguleringsføremål privat veg:

Innteikning av 1m vegføremål på kvar side av innteikna veg for grøft og snøopplag

Reguleringsføremål frisiktsone:

Påskrift 10 x 100 m

b. Reguleringsføresegnene

§ 3 Byggeområde fritidsbustader:

pkt.3.1 Stryke at tomtegrenser er retningsgjevande og kan tilpassast

pkt.3.4 endra formulering ”..er det høve til å heve bygget (loft) med gesimshøgde til 4,3 m…..osv”

pkt.3.8 stryke 3.ledd om at gjerde av lett karakter kan oppførast

nytt pkt.3.9 Heile hytteområdet skal gjerdast inn i tilstrekkeleg grad for å halde beitedyr ute

§ 5 Spesialområde privat veg

pkt.5.1 tillegg: vegområdet skal omfatte 1 meter utafor skulder på kvar side av vegen til bruk for grøft og snøopplag

nytt pkt.5.4: På strekninga P400 – tomt 5 kan vegen inngå i eit overordna vegsystem med ekstern tilknyting og for gjennomgangstrafikk til andre hytteområde

Med desse endringane vert saka å legge ut til offentleg ettersyn.

Saksvurdering og konklusjon:

Vegvesenet sin merknad i saka om å innarbeide krav om at avkøyrslepunktet mot riksvegen skal utformast i samsvar med vegnormalane, må vere kurant å innarbeide i § 5 i reguleringsføresegnene.

Fråsegna frå fylket med konklusjon om å fullføre det overordna planarbeidet, slik at ein vedteken kommunedelplan kan bli grunnlag for det vidare detaljplanarbeid, er ein fullt ut samd i.

Vidare at reguleringsføresegnene får innarbeidd at hyttegrenda skal byggast ut etappevis.

Tilkomsten for hyttegrenda gjennom tunet på gnr. 10/2 ser ein på som permanent uheldig, og det må arbeidast for å finne ei betre løysing på sikt.

Grunneigarane av bruksnummer 1 til 5 meinar i prinsippet det same som fylket rår til; at ein må ha ein overordna plan før ein godkjenner detaljplanar.

Det ideelle i denne samanhengen er vel, som det finst eksempel på, nemleg å sjå på mogelegheitene i heile området (kanskje ei heil grend) under eitt og så felles lage planar for heile området osv. Kommunen bør kanskje vere ein pådrivar for at dette viktige område i kommunen vår får ein slik prosess ”på fote att”, vilkåret er sjølvsagt at dei aktuelle grunneigarar er interessert.

I høve Det faste utvalet for plansaker sine føresetnader då saka vart lagt ut til offentleg ettersyn, er dette no innarbeidd i planframlegget; kart og føresegner sist revidert 06.02.07.

Etter ei samla vurdering i saka kan ein ikkje tilrå at reguleringsplanen for Omenås Hyttegrend vert vedteken slik den ligg føre med i alt 48 tomtar, men ein finn å rå til at eit naturleg trinn 1, dvs. området som omfemner tomtane 1-18 kan godkjennast.

Det må ligge føre vedtak i arealdelen av kommuneplanen (rullering) i samsvar med reguleringsføremålet før området for tomtene 18 – 48 kan takast opp til godkjenning.

Stig Holmstrøm
rådmann